ACHINE 4:20 - Sumi Naga CL (Re-edited) Bible (BSI)

²⁰ Axine ghenguno amshitsü heqhipe mlla kelo toi, hipa kümllagho ghi titoi shini. Hitoi achineu no timiqo ghenguno lokichile shitsü no pano kipimi qhitsüni.

BAIBEL (BSI)

²⁰ Pano axine kumllagho ghenguno amshitsu pesu kishi shivekeno tipaphi lono hipau mishitsu ghi tishi shilo eno hipa ghola lono pano timiqo xine ghenguno agha shikeu shilo eno panongu xineye peivetsu nanike.

ACHINE 4:20 Iomraidhean Croise

IPEKULU 32:30

Thoghiu Moses no timiqo vilo pi, “Nongu ye axine kije shivae. Itehi I no Ampeu lau iqhoni; ishiake I no nongu xine pevetsü luvike.”

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 1:4

Pa no pa u pesü piti mlla niye akeu lhoxü kütsü lo inapeni, eno pa ghenguno lochile tsü penike süghi keu pa kümllagho ikhilu tsüni.

ACHINE 12:8

Li no ambe qhümlave aye, aqhewo kini, momu amiqhi süghini, lakhi no akipti kümllagho eno lakhiu no axine kümllagho shini. Achineu no li ghenguno lokichile shitsüni, eno li ye mithe luve nani.”

ACHINE 14:18

Pa umza lo thazü achili pesü timi hu kütsü lo sütsüni. Tishino achineu no pa ghenguno Ampeu zülo lochile tsüni.

ACHINE 15:15

Achineu no lakhi pesü axine kümllagho eno lakhiu no akipti kümllagho shi tsüni, eno timi tipau shikimthe tsüni.

ACHINE 19:22

eno achineu no tipau pesü pa shikimthe ghi Ampeu zülo tsüno pa xine ikhive tsüni.

ACHINE 4:21

Amshitsü kumo ye pesü aghazü khalau ipeve no amshitsü atüghüu pitike ghola lono tilauno pitiveni; hi no aqoaho ghenguno axine kümllagho ke.

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

ACHINE 4:35

Külakishi kümllagho shikelo ambe ghapheu tha luve cheke toi achineu no atha kuchopu ikhipe Ampeu lau achuqupu kümllagho tsü chekeu kiptia shou no pitiveni. Tithiu achineu no timi hipau xine ghenguno lokichile shitsü no pa kipimi qhivetsü peni.

ACHINE 4:8

Tithiu pa no axine kümllagho shikeu mishitsü tha, amxu ngo aghükini kümtsü ikhipheni,

ACHINE 5:10

Tithiu achineu no pimheye kiqi lono aghau akiniu pesü piti mllaveni. Eno achineu no timi hupau xine ghenguno lokichile shitsü no pa kipimi qhive tsüni.

ACHINE 5:13

Timi tipau xine khikhiu shi aghimu achineu no Ampeu lau lokichile shitsüni, eno pa kipimi qhive tsüni.

ACHINE 5:16

Hipau gholo pa no akimthe khuaye pape mlave keu ghengu ghi tsüchile masa nani, ame ye atüghüu lo puwove kepushi akeu lono saje pungu qhemi pesü achineu tsüni. Tileno achineu no akipimi kümllagho anetsü pesü timi tipau ghenguno lokichile shitsü no pa kipimi qhive tsüni.

ACHINE 5:18

Pa kipimi kümllagho ghenguno pa ye achineu lau anetsü tukutiye kühakeu lakhi süghini, pa no mthano axine shiveke ghenguno achineu no lokichile shitsü no pa kipimi qhive tsüni.

ACHINE 5:6

eno küqüve keu xine ghenguno Ampeu lau lokichile shi ambe na ane namu aqu alhothe lakhi süghini. Tileno achineu no pa xine ghenguno lokichile shitsüni.

ACHINE 6:7

Achineu no Ampeu zülo timi tipau ghenguno lokichile shitsüni, eno pa xine khipaqo vecheo akipimi shive keno kümtsü qhive tsüni.

AKIKIHI 15:25

Achineu no Israelmi qoaho kümtsü ghenguno lokichile ghakishi shini eno tithiu no panongu kipimi qhive tsüni, kughengu ti ye pimive keu kehu panongu no pano kipimi ghenguno achuqupu kümllagho ngo axine kümllagho pesü Ampeu lau süghive ake.

AKIKIHI 15:28

Eno achineu no Ampeu zülo timi püthapütsano kumono pimive keu ghenguno lochile tsüni, eno pa kipimi ye pevetsü nani.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe