ACHINE 27:28 - Sumi Naga CL (Re-edited) Bible (BSI)

²⁸ “Timi na lhoxü na atsüaqu na ayeghi namu Ampeu lau ikhiphe tsüve keu ye khunomu jemla momu qhüchile mlae; ti kümtsü Ampeu zülo shishe akimthe ke.

BAIBEL (BSI)

²⁸ Timi lhoxu na atsu-aqu na ayeghi pinamu kiumu shimono ikhiphepe AMPEU lau tsuvekeuye khuunomu tipau jemla momu qhuchilemla. Tiye alhokupujulo AMPEU salake.

ACHINE 27:28 Iomraidhean Croise

YEKIKITHI AKINIU 31:14

Levimi Imna nu Kore, kipela khagho kheu no Alhou lau pulokini gho, Ampeu ghenguno kotha keu kümllagho kijeni keu, eno shishe akimthe kümllagho shou ampi shie.

IPEKULU 22:20

“Khukhumu Ampeu lau likhi kumo aye, alhou kütau lau aghashi keu ye kütsaveni.

EZEKEL 44:29

Panongu no athi kümllagho, axine kümllagho, akipimi kümllagho, eno Israel lo ikhiphe tsükeu thime kümtsü pano salashi chuni.

EZEKEL 48:14

Panongu ye tipau jemo momu kili moni. Panongu ye ayeghi saje akighiche hipau kotha pühave monani, kughengu ti ye Ampeu zülo akimthe ke.

ACHINE 21:22

Pa ye Alhou chuqupu chulu nani, achuqupu kümllagho ngo shishe akimthe chuqupu ghi chulu nani,

ACHINE 27:21

Eno Jubilee lo alu tipau phekelo, ti ye Ampeu lau akimthe gho lakhi shiniae. Achinemi no sala amheghi shiniae.

ACHINE 27:27

Ikemu mithekumo lhoxü ye betha tsükeu me kiqi lono tipa shou saje pungu veqabe no qhüchilelu nani, ti qhüchile lumo aye, betha tsükeu me lono jeveni.

ACHINE 27:29

Timi lakhi pesü ikhiphe tsüve keu ye khilemu xaphe mlae; pa ye thive masa nani.

AKIKIHI 18:14

Israel lo thime ikhiphepe Ampeu tsüve keu thaqhü ye o saje shini.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

Rommi 9:3

Kughengu shiluke aye ashi lo I thiküzümi eno I laghami ghenguno ni ampi nomu angusüu shive no Khristo sasü ayigheveni cheke.

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

ZAKINIU 25:19

Tighenguno, kughou Ampeu Alhou no nongu mheghi shitsü akeu yeghi lo nongu no ngoluve eno no sükümxa lo akemi launo akulho qhiluni keno, nongu ye ayeghi lono Amalekmi shipühaveni; hi kümsüma kevilo.

ZAKINIU 7:26

Nongu kilo aphikümqhüpu thime süghi moni, kughengu tino kütsakungo süghi cheni. Ti jukuchhube lo eno mithi lo, kughengu ti ye kütsakungo kepu lo tsüvae.

JOSHUA 6:26

Tile Joshua no ashoqhi lakhi shi, “Khuu no Jericho phughi hipau shiqhe kithe nike ithughini keno, Ampeu no angusü pa shou apeniu. “Aboqha tu ye pa nu anoghiu küxü shouno shosü peni, khaghoqo ye pa nu anipau küxü shouno süqhe peni.”

JOSHUA 7:1

Ikemu Israelmi ye thime kiumu lu kevilo pikeu yezah hebideve kughengu Judah shiaye lo, Zerah nu, Zabdi nu, Carmi nu, Achan no Ampeu no kütsave penike pephe tsükeu lono thime hami luve. Tino Ampeu no Israelmi shou Pa loghu pukuve.

JOSHUA 7:25

Eno Joshua no pi, “No ye kushiye aghime ni lau süghi kea? Ishi tsala lono Ampeu no o lau aghime süghi ani.” Eno Israelmi kümtsü no atu pesü Achan veqhi pithive. Panongu no atu pesü veqhive eno ami lono pitive.

XAKUTHAMI 21:11

Nongu no hitoi shini: kiptimi thaqhü eno totimi khunoqo no athathe kumove akeno tipaqo kümtsü heqhive lo.”

XAKUTHAMI 21:18

Ikemu ningu ye ni ngaqo pesü pano tsülu moae, kughengu Israelmi no ashoqhi shive ake, “Khuu no panga pesü Benjaminmi lau küla puwuni keno müsüinivae.”

XAKUTHAMI 21:5

Israelmi no pi, “Israel shiaye dolo khuno lagha no Mizpah lo Ampeu zülo kumqo kelo iqhoghi move kea?” Kughengu tile ighi püaghimo keu shou ashoqhi kije lakhi shike, “Timi tipau ye pithiveni.”

SAMUEL ATUGHIU 15:18

Ampeu no akümlapu lakhi lo o puwu no pi, ‘Wulo, Amalekmi axinemi kütsave lo, eno püha khamoke kutolo aghü shilo.’

SAMUEL ATUGHIU 15:3

Itehi wuno Amalekmi lelo, eno pano no akeu kümtsü kütsave tsülo. Panongu püxü mono kiptimi totimi, itimi eno anga kughunu, amshitsü eno ambe, sayeshi eno khurha kümtsü ghiqhive lo.’”