ACHINE 26:4 - Sumi Naga CL (Re-edited) Bible (BSI)

⁴ I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.

BAIBEL (BSI)

⁴ ino ado achipi lono tsutsughu nongu lau puwutsu nani tishianguno ayeghino tuxatini ipeghi nani eno asuboqono axathi pithi nani.

ACHINE 26:4 Iomraidhean Croise

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

JOB 5:10

Pa no ayeghi lo tsüghuqhitsü eno aluza lo azü puwutsü cheni;

LESHELE 104:13

O kungo-a chuqumghaike lono Nono naghutoqo shou ghuqhi tsüe; ayeghi no Nono mlakeu xathi vecheo aghapiqi lue.

LESHELE 67:6

Ayeghi no ghile kighishe lupe; Alhou, ni Lhou no ningu kümghatsü nani;

LESHELE 67:7

Alhou no ni kümghatsü nani; ayeghi shekha kutolo Pa sümsa lo!

LESHELE 68:9

O Alhou, Nono pofushi tsüghuqhi tsüe; O mheghi no qhai-ghoi akelo Nono athoputho tsüe.

LESHELE 85:12

Iyei, kiu no akivi keno Ampeu no tsü nani, eno ningu yeghi lo tipau ikoishe ghile hulu nani.

LESHELE 85:13

Amikucho no Pa zülo chewu nani eno Pa pukhu nepa kutotsü nani.

ISAIAH 30:23

Nongu no apiti yisü kelo Ampeu no tsütsüghu puwutsü nani, eno ayeghi lo pekighi no kinikülü eno pofushi achuqupu tsü nani. Tipa ghuloki lo now pichepighi no achu kümza-a kije lo mzachu nani,

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

EZEKEL 36:30

I no asübo lo axathi eno aluza lo tüxatini kupukuno shi ikoishe lupe nani, tishikeu lono nongu ye khilemu shiyeqo gholo püqümiye kukujopu shimo nani.

JOYIL 2:22

Msa kevilo, nongu aluza lo tüghashiqo, kughengu yenguyike-a lo achu kümza-a ye xüthilei ani; asübo no pa xathi pithi ani; mububo ngo atsaibo no kupukuno shi pithi ani.

ACHINE 25:19

Ayeghi no achuqupu tsüno nongu no aghakiqi shi chuno sükusho lono xülu nani.

ACHINE 25:21

I no ampe akütsüghou lono Iw kükümgha nongu shou ighi penike azah tsüno ayeghi no ampe küthü kutolo achuqupu lukümkha shipe nani.

ZEKHARIA 8:12

Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

Apostolmi 14:17

Ikeghi Pa ye thopimi qhimoke kumoe, kughengu Pa no akümla kivi hitoi shi püani: atsütsü lono tsütsüghu piqitsü; atusho kiqi lono axa jeli nongu tsü; achuqupu ngo alokivi pesü nongu mlo piqi tsüke.”

ZAKINIU 11:13

“Ishi tsala lo nongu mlo kuchopu eno angulho kuchopu pesü Ampeu nongu Lhou kimiye eno huthu penike I no tsü akeu zakütsü nongu no pelu aye,

ZAKINIU 11:14

Pa no nongu yeghi ghenguno atusho kiqi lono, tixi eno ghixu tsütsüghu tsü nani, tishianguno nongu no athi, atsaizü eno thazü ililai ithulu nani,

ZAKINIU 28:12

Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.

James 5:7

Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

Piyeküsü 11:6

Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.