ACHINE 26:36 - Sumi Naga CL (Re-edited) Bible (BSI)

³⁶ No ghümi yeghi lono I no nongu xüakemi mlo shikulotive tsünani. Asü nipa fupe chekeu sütsa no panongu shikümsa azütakikihi zülo poche keshi kuha nani, eno khumu hachemo keghi iluqi nani.

BAIBEL (BSI)

³⁶ “Nongu khunoqomi halepupoveni keno tipaqo pelo ino musa khokhoshive penani ikehu amlhulo asu nipa fupe chekeu sutsa chilu keloghi nonguye kohapo penani. Nonguye aghu shiakelo nongu hache keshi ponani eno aghumi nophivilo kuha keghi iluqive nani.

ACHINE 26:36 Iomraidhean Croise

BOTHUBO 35:5

Panongu no chesü wuche kelo, Alhou launo thüghüi kepu lakhi panongu hokümxa lo mishighünaqo shou ikughive, ikehu panongu ye Jacob nuliqo hawu move.

BOTHUBO 4:12

Kughou nono ayeghi mlani keno, ti ye aghüma akeu qhemi athi pithi o tsümoae. No ye ayeghi lo kupokichemi eno kachena shiniae.”

YEKIKITHI AKINIU 14:14

Panongu no Gerar hokümxa lo mishighünaqo kümtsü leluve, Ampeu kümsa no kümtsü shou ikughive. Panongu no mishighüna kümtsü xüleve tsü, kughengu tile xulelu kepu kutomo ake.

JOB 13:25

No ye anipa fupe chekeu shikümsa eno ateni hani keshea?

LESHELE 53:5

Panongu ye thüghüi kepu küha keu-a lo shishe thüghüipe ani! Kughengu Alhou no o ghümi saghi kutholeve tsüae; nono panoqo shikujovae, kughengu Alhou no pano milive.

LESHELE 53:6

O, Zion lono Israel ghenguno xakulu ighi keaye lae! Kughou Alhou no Paw timi lau küakini tsüchileni keno, Jacob pelo alovi pelo, Israel pelo alokiqi shipe lo.

LESHELE 89:43

Nono pa zütakikihi kütsügha pelo idechile ighipe, eno Nono pa pelo aghüshiqa lo puthugho pemoe.

AHOLE 28:1

Kixikilami ye khunomu pa hamo keghi pove cheni, ikemu kuchomi ye abongshuu toi amlo kumto shicheni.

ISAIAH 30:17

Milakhi no kichi kelo qhethonhe no kuhapo; mipungu no kichi kelo kümtsü no kuhave nani, nongu ye naghuto lo michiphi sü toi, atoghi lo amchipu toi pülalaive nani.

ISAIAH 7:2

Kughou “Syria ye Ephraim sasü visho shipe ani,” ipi David laghami Ahaz vilo pi keno, pa ngo paw timiqo mlo ye amülhü no aghasü lo asüboqo fukini keshi khokho shive.

ISAIAH 7:4

Eno pa vilo pilo, ‘Kutokupui eno inaqhoi shilo, msa kevi, eno amsü miche ilhouve keu Syriami Rezin ngo Remaliah nu hupama xukighide ghenguno o mlo hauve kevilo.

JEREMIYA 37:10

Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

JEREMIYA 46:16

Pa no kutomo küpxa kuluve, panongu lakhino lakhi vilo pi, ‘Ithulo, ningu niw timiqo lau idewoveni nolo, qhaküsümi zütakikihi lono ni punugha lo woveni.’

AKUMLO 1:3

Akaghashi mlape eno pishipuju keu ghenguno Judah ye hakiphi sawuvae; itehi li ye shiyeqo dolo xü ani, eno akulhokiqhi-a ithulu amoe; li no aghime kitikhi shiake lono li hache kemi no li botha luvae.

AKUMLO 1:6

Zion limi kükanguagha kümtsü li launo chevae. Liw kükapumiqo ye ashe no achu kümza-a phumla ke toivae; panongu ye akumto kühano pano hache kemi zülo poke.

AKUMLO 4:19

Ni hache kemi ye atsütsü lo alhuquqo nguno akümthüu; panongu no naghuto lo ni haighi; asayeqha lo itshüpe ni ngokhe.

EZEKEL 21:12

Igha qalo eno mlolo, timi nu, kughengu ti ye Iw timi lachile akeu ke. Tipau ye Israel lo yepemi kümtsü lachile akeu ke. Panongu ye Iw timiqo gholono azütakikihi lo ikhiphe tsüvae. Tighenguno, nongu lukobo kukhulo.

EZEKEL 21:15

tishikeu lono panoqo mlo ye hauve peni eno kutomo no küpxalu nani. Panow khagho kümtsü lo azütakikihi phuphuike püani. Ya, ti ye tsütsüpha toi mlavae, ti ye ghiqhini ke ghenguno ikhiqhe luvae.

EZEKEL 21:7

Kughou panongu no o vilo, ‘Kushiye no ye mloqa ani kea?’ ipi aye pilo, ‘Sütsasüli ighini ye akeu ghenguno ke. Timi kümtsü mlo hauve nani, eno kümtsü u khokhoive nani; kümtsü ghungu aphi ije move nani, eno kümtsü khonhe no azü toi qeive nani. Julo, ti huye chenie, eno shikupu nani.’” Ampeu Alhou no asheshu.

HOSIYA 8:3

Israel ye akivi milivae; aghümi no pa hasü ighi nani.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

ACHINE 26:35

Nongu no ache kelo ayeghi no Sabbath ithumla no achekeu itehi ye pighive no yenguyi akulhokiqhi ithulu nani.

ZAKINIU 1:44

Tileno ato yeghi lo küxümi Amorimi no akhi tache keshi nongu shou ikughi no Seir lono Hormah kutolo nongu leve.

JOSHUA 5:1

Jordan ghoki kulolau Amorimi kükami eno azüghi mkülo Canaanmi kükami kümtsü Ampeu no Israelmi no Jordan kathalu mphi kutolo Ampeu no qhaive tsükeu sütsa chilu kemtsa, panongu mlo hauve eno Israelmi ghili kümsüpe aghungu aphi ije move.

JOSHUA 7:5

Aimi no pano 36 pithive tsü eno aphughi khagho lono hasü Shebarim kutolo wuno atuxu lono panongu pithive. Ikelo timiqo mlo ye pitikümlave keu zü toive.

SAMUEL ATUGHIU 17:24

Kughou Israelmi no timi hu ithulu keno, kümtsü no pokhave eno shishe msave.