ACHINE 26:31 - Sumi Naga CL (Re-edited) Bible (BSI)

³¹ I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

BAIBEL (BSI)

³¹ ino nophughiqo xalepinivetsu nani, nonguno mllachekeu a kutsalevetsu eno nonguno aghashikeu ikhilutsumo nanike.

ACHINE 26:31 Iomraidhean Croise

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

KUKAMI AKINIU 22:19

kughou I no a-a hipau eno hile xüküami püghave no ghushoveni keu nono philu keno, nono o mlo pebide eno kuchuni püzü o phimini süxü no I zülo mloqa kehu, Ni ghi ti chiluve tsüae, ipi Ampeu no sheshu ani.

YEKIKITHI AKINIU 36:19

Panongu no Alhou ki pitive tsü, Jerusalem liwo hepholeve tsü, kükaki ngo akughupu bohu kümtsü pitive tsü.

NEHEMIA 1:3

Panongu no I vilo pi, “Hakiphi sawuve keu lono xülu no aghakhu lo ideighi keqo ye shishe aghime eno akukujopu shi ani. Jerusalem kupuwu ye kütsavae eno paw khaghoqo ye ami no pitivae.”

NEHEMIA 2:17

Tile I no panoqo vilo pi, “Ningu ye kiu veküsa lo ani keno julo, Jerusalem ye ixapinyi ani eno tipau khaghoqo ye pitileve no ani. Ighilo, ningu akupuwu shiqheni, tishianguno ningu kukujopu ye tave nani.”

NEHEMIA 2:3

I no akükau vilo pi, “Akükau pelo axüshu peniu! Ni ye kishino I puasüqo kumo kuqho phughi ixapinyi ani eno tipa khaghoqo pitileve apüzü amlo samono ngo luni kea?”

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

ISAIAH 63:18

O kimthe timiqo ye ado hami ghenguno qhasüpe ngolue; ikemu itehi ye ni ghümi no o kimthe ki nedaqodave tsüae.

ISAIAH 64:9

O Ampeu, ighono aloghuide kütü kevilo, eno alholo ni xine kümsülu tsü kevilo. Kimiyeno jutsülo ningu kümtsü Ow timiqo ke.

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JEREMIYA 22:5

Ikemu, Ampeu no asheshu, nongu no hipa tsa gholumo aye, Ni ampi no tushoqhi ani, kükaki hipau ye pighive nani.

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 26:9

No ye kushiye Ampeu je lono tungkuptsa, ‘Aki hipau ye Shiloh toive nani eno mishighüna ye kütsaleve no küghüna move nani,’ ipi ani kea?” Ikehu Ampeu kilo timi kümtsü no Jeremiah süho luve.

JEREMIYA 4:26

Ampeu xukighide zülo, I no jukelo kinikülü yeghi no asayeqha shive, mishighüna kümtsü ixapinyive.

JEREMIYA 4:27

Kughengu Ampeu no ishi piani, “Ayeghi kümtsü pighive niae, tishimu Ni ye qhoi kishekhave tsümo nani.

JEREMIYA 4:7

Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

JEREMIYA 44:2

“Aqokitikhi MPEU, Israel Lhou no ishi piani: Jerusalem ngo Judah lo mishighüna kümtsü I no kütsave keu nongu no ithuluvae. Julo, ishi tipaqo ye pighive no khumu tile ngo movae,

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 52:13

Pa no Ampeu ki, kükaki eno Jerusalem lo aki kümtsü pitive tsü; aki kijeje thaqhü pa no pitive tsü.

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

AKUMLO 1:10

Liw akughupu thime kümtsü aghümi no süxa luvae; kughengu shiye khipaqo Nono O kukuhomi gholo ilo pemoni keu shi ani keno, tipaqo no akimthe-a lo iloghi keu li no ithuluvae.

AKUMLO 2:6

Pa no aghutu toi Pa pushonha, kuposhukulu-a kütsalevae; Ampeu no Zion pelo tiqhetini ngo Sabbath kümsümavepe, eno Pa mlo kighide lono akükau ngo achineu milivae.

AKUMLO 2:7

Ampeu no Pa kiptia lomipi, Pa kimthe-a milivae; Pa no li kükaki liwoqo pesü aghümi u lo phesüve tsüae; tiqhetini tsala lo toi panongu no Ampeu ki lono angukashi ighae.

EZEKEL 12:20

Küghüna akeu mishighünaqo ye kütsave nani, eno ayeghi ye küghüküghaleive nani; eno nongu no Ni ye Ampeu kepi ithi nani.”

EZEKEL 21:15

tishikeu lono panoqo mlo ye hauve peni eno kutomo no küpxalu nani. Panow khagho kümtsü lo azütakikihi phuphuike püani. Ya, ti ye tsütsüpha toi mlavae, ti ye ghiqhini ke ghenguno ikhiqhe luvae.

EZEKEL 21:7

Kughou panongu no o vilo, ‘Kushiye no ye mloqa ani kea?’ ipi aye pilo, ‘Sütsasüli ighini ye akeu ghenguno ke. Timi kümtsü mlo hauve nani, eno kümtsü u khokhoive nani; kümtsü ghungu aphi ije move nani, eno kümtsü khonhe no azü toi qeive nani. Julo, ti huye chenie, eno shikupu nani.’” Ampeu Alhou no asheshu.

EZEKEL 24:21

‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.

EZEKEL 6:6

Nongu no khile khilemu küghüna keu mishighünaqo ye shipüsave nani eno qhemghaike-aqo ye kütsave nani, ikehu nongu kümlla khacheqo ye shipüsa eno kütsave nani, no julhoqo ye kubove eno kütsave nani, now axokütsüngü kiptia hephove nani eno nongu kümlaqo shipühave nani.

EZEKEL 9:6

Kitemiqo vejoi pithive lo, lhothemi eno ilimi, itimi eno topumi pithive lo, ikemu khunoqo shou amchipu ani keno tipaqo lakhimu bukevilo. Eno I chineki lono huthulo.” Tighenguno panongu no achineki lo akemi layemiqo launo huthu ke.

DANIEL 2:46

Tileno akükau Nebuchadnezzar no pa gi pishiqho luve no agigihu Daniel tsü, eno akümllagho ngo axokütsüngü kipti pesü pa mlla peniye azah tsü.

AMUS 7:9

Isaac kümlla topeqo ye kütsaleve tsü nani, Israel kümlla kiqo ye kütsapinyive tsü nani, I no azütakikihi pesü Jeroboam lagha mjo ithughi nani.”

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

ZEFANIA 3:6

“I no shiyeqo ghitha pevae; pano ghukhe-aqo ye kütsavae; pano laghila ye kümsa shive no khunomu tipaqo lo püla movae; pano phughiqo ye pighive no milakhimu küghüna movae.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

Apostolmi 6:14

kughengu pa no Nazarethmi Jisü hipau no a-a hipau kütsave nani, eno Moses no ni tsükeu khuayeqo kilive tsü nanie pikeu ningu no chiluvae.”

IBRIMI 10:26

Kughengu kuchou kighithi ithuluve no ningu no püthapütsano axine shiauve aye, axine ghenguno aghashi keu ye kiumu kühavae,