ACHINE 26:26 - Sumi Naga CL (Re-edited) Bible (BSI)

²⁶ No chuqupu laghi I no hekhave tsü kelo, totimi chighi no amiphoki lakhi lono asho shino aphiphi shi kije nani, nongu no tipau chukhave namu müzüthi nani.

BAIBEL (BSI)

²⁶ Nonguno achuqupu sughichekeu la ino hekha vetsu nani, tishi kehu totimi chighino asho khije aghikeno tipau shunike amiphoki lakhi likhi avehupu shinani. Panonguno tipau aphiphi shi ghi kije nani eno nonguno tipau chukhave pinamu nonguye muzuthi aniaphi.

ACHINE 26:26 Iomraidhean Croise

KUKAMI AKINIU 6:25

Panongu no khasü luve kehu Samaria lo püqümiye kije ighive, eno khurha kütsü lakhi lo ghükayi 80, amiqhi ba yetsüni tushoqü lakhi lo ghükayi 5 lono jeuve.

LESHELE 105:16

Kughou Pa no ayeghi lo püqümiye lakhi puwu eno achuqupu ikighi laghi kümtsü lakhave tsü keno,

ISAIAH 3:1

Kughengu julo, aqokitikhi Mpeu no Jerusalem ngo Judah lono timi no pükhüpe ache keu asho eno azü qhoi pewu cheae,

ISAIAH 5:10

Atsai luche 10 lo atsaizü liter 24 likhi mlalu nani, axapiti ahu 100 lo ahu 10 likhi pithi nani.”

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

ISAIAH 9:20

Ajeu no ashi hakholu anamu müzüthi, piyiu no süxachu anamu aghapiqimlae; kümtsü no pütüta tianuli shi chue,

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

EZEKEL 14:13

“Timi nu, kughou aküpülü küküha kümla vecheo ayeghi no I hebide ghi axine shini keno, I no tipau lachile ghi I u süqhe nani eno tipau lo chuqu-kusho süghi chekeu lakhave tsüno püqümiye puwu nani, eno tipau lono timi eno tüghashi pithive nani,

EZEKEL 4:10

No ye achuqupu ahu shino chuni, atsala lakhi lo gram 210; tsalakipetsü no ye tipau chuni.

EZEKEL 4:16

Tinguno alau Pa no I vilo pi, “Timi nu, julo, Jerusalem lo asho xapu ighi chekeu I no lakhave tsüni. Panongu ye ahu eno kütakihi keu lono achuqupu chu nani akimghipu eno aghüthiküsü lono azü yenani.

EZEKEL 4:17

I no hipau shi nani eno tishikeu lono panongu ye chusho kepu püqüve nani, eno aghüthisüpe lakhino lakhi jukile no aghime lono hailove penani.

EZEKEL 5:16

hi ye I no nongu kütsani ke ghenguno akithipu püqümiye piji, kütsakungo keu piji nongu lau kapuwu kelono, eno püqümiye alau alaushi nongu shou süghi eno nongu lau asho xapughi chekeu lakhave tsü kelono tishi nani.

HOSIYA 4:10

Panongu no chunani, ikemu aghaqimo nani; panongu no kütüqha nani, ikemu kughuko lumo nani, kughengu panongu no Ampeu pheve no pano pesü

ACHINE 26:27

“Ishive keghi nongu no I gholu mono I mjochile auve aye,

MICAH 6:14

Nongu no chunani kemu aghaqimo nani eno nongu lolo amzü anani; nongu no kike nani kemu kütsüpe qhimla nani, ikemu kiu kütsü püaghini keno I no azütakikihi tsüve nani.

HAGAYI 1:6

Nongu no kutomo xusü kemu aghulo likhi ghile hulue. Nongu no chucheni kemu lukümkha kühae; nongu no sho cheni kemu aghapiqilu chemoe. Nongu no pepu mini cheni kemu khunomu lüvüilu chemoe. Eno khunono aqe qelu cheni keno pewo süqhu küixü lo süve chenie.