ACHINE 26:17 - Sumi Naga CL (Re-edited) Bible (BSI)

¹⁷ I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

BAIBEL (BSI)

¹⁷ Ino nongu shou akumou shive nani, tishikeu lono nongu hasuve nani eno nongu jumithi chekemino noshou ayehpe nani, nonguye ighono thughuive nani ikelauno timino nongu hacheghimo namu nonguye kohapo nanike.

ACHINE 26:17 Iomraidhean Croise

BOTHUBO 4:12

Kughou nono ayeghi mlani keno, ti ye aghüma akeu qhemi athi pithi o tsümoae. No ye ayeghi lo kupokichemi eno kachena shiniae.”

KUKAMI ATUGHIU 8:33

“Ow timi Israelmi no O zülo axine shike ghenguno pano ghümi zülo tomlave aye, eno panongu no aki hipau lo O lau ighi no O je kulu no akighini lono O lau ighamku aye,

KUKAMI AKINIU 13:3

Ampeu no Israelmi shou amlo ideve no Syria kükau Hazael eno pa nu Ben-hadad pama u lo ishokibe Israelmi phesüve tsü.

KUKAMI AKINIU 13:7

Jehoahaz ye pa gholo ghüshimi kihi kelo khurshimi lhopungu, khurkulu chighi eno apukhu lono chewuni kemi 10,000 likhive, kughengu Syria kükau no panongu kütsave eno ayeghimkhu toi kughulhove tsüke.

LESHELE 44:10

Nono ni pelo ni ghümi launo idechile wuvepe, eno ningu mithi chekeqo no nino xulelu keu thime luve tsüae.

LESHELE 53:5

Panongu ye thüghüi kepu küha keu-a lo shishe thüghüipe ani! Kughengu Alhou no o ghümi saghi kutholeve tsüae; nono panoqo shikujovae, kughengu Alhou no pano milive.

LESHELE 53:6

O, Zion lono Israel ghenguno xakulu ighi keaye lae! Kughou Alhou no Paw timi lau küakini tsüchileni keno, Jacob pelo alovi pelo, Israel pelo alokiqi shipe lo.

AHOLE 28:1

Kixikilami ye khunomu pa hamo keghi pove cheni, ikemu kuchomi ye abongshuu toi amlo kumto shicheni.

ISAIAH 30:17

Milakhi no kichi kelo qhethonhe no kuhapo; mipungu no kichi kelo kümtsü no kuhave nani, nongu ye naghuto lo michiphi sü toi, atoghi lo amchipu toi pülalaive nani.

ISAIAH 63:10

Ikemu panongu no Pa hebideke, eno Pa Ghungu Kimthe pelo amloküsa shipeke; ikehu Pa no panoqo ghümi lau küqhano Pa ampi no panongu sasü aghüshi ke.

JEREMIYA 19:7

A-a hipau lono I no Judah ngo Jerusalem kukughu kümsa shivetsü nani, pano timiqo ye ghüyi lono wove nani, eno pano küxü phuche kemi u lo ilove nani. Panongu kumo ye aghau eno tüghashi chuqupu shive nani.

JEREMIYA 44:11

“Tighenguno aqokitikhi MPEU, Israel Lhou no ishi piani: Julo, I no I xukighide nongu shou puku nani eno Judah kümtsü kütsave nani.

AKUMLO 1:5

Li ghümiqo no ampemi shivae; li ghümiqo no kinikülü shivae, kughengu li xine kitikhi ghenguno Ampeu no li ghimeve ke; li nuliqo ye akughumi shisü aghümi no sawuvae.

AKUMLO 2:4

Aghümi lakhi toi Pa no Paw shexilika piqe luvae, Pa u ajeu no piqepe ngovae; ni nhethe lo azüküvü ache keqo kümtsü Pa no Zion nga phiki lono pithivae; Pa no ami toi Pa loghu pephevae.

EZEKEL 15:7

I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

ACHINE 17:10

“Israelmi na inaghami pano gholo akemi khukhumu lhoxü ji chukeu ye I no pa launo I gi kughove nani eno paw timiqo gholono hapheve nani.

ZAKINIU 28:25

“Ampeu no nongu ghümi pelo nongu shou toluvepe nani. Nongu no ala lakhi lono panoqo lewu nani ikemu ala tsüni lono panongu zülono kuhapo nani. Ayeghi lo kükaqha akeu kümtsü no nongu shou kiu shiani keno ithulupe thüghüi nani.

JOSHUA 7:4

Tighenguno pano 3,000 toike iqho ikemu panongu ye Aimi zülono küsakiphi pove.

XAKUTHAMI 2:14

Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

XAKUTHAMI 3:14

Tishino Israelmi ye ampe chighitache kutolo Eglon qeche.

XAKUTHAMI 3:8

Tighenguno Ampeu no Israelmi lau axuideve no panoqo pesü Mesopotamia kükau Cushan-rishathaim u lo süvetsü. Tishino Israelmi ye ampe tache Cushan-rishathaim qeche.

XAKUTHAMI 6:2

Midianmi no Israelmi leluve, Israelmi no Midianmi launo itshüni ye naghuto lo atuki ngo sükusho-a mlave.

SAMUEL ATUGHIU 12:15

Ikemu nongu no Ampeu tsa gholu mono Pa zakütsü hebideve aye, Ampeu u no nongu eno nongu kükau shou ikughi nani.

SAMUEL ATUGHIU 31:1

Philistiami no Israel sasü aghü shiae, eno Israelmi ye Philistiami zülono pove no Gilboa Toghi lono kutomo ikiqive.

SAMUEL ATUGHIU 4:10

Ikehu Philistiami no mjochile, eno Israelmi ye tomlave, panongu ye pokhave, kümtsü pütüta kilo powove. Eno tile timi kutomo ghiqhi pithive, kughengu Israel ghüshimi 30,000 ikiqive.