ACHINE 26:16 - Sumi Naga CL (Re-edited) Bible (BSI)

¹⁶ I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

BAIBEL (BSI)

¹⁶ ino nongu ghimeqhi nani. Ino nongu shou kutsakungo keu sughi nani; tiye shipivimla kepu kusukini ngo nongu nhethi kighichevetsu kepu ghakimki eno nongu kuxu tsuhauveni kepu sughi nani. Nonguno apiti qusu nani, ikemu nongu lau tiye kiumu akivi sughi tsumo nani kughengu noghumino nongu leluve nani eno nonguno kiu yisukeno chuve tsu nani.

ACHINE 26:16 Iomraidhean Croise

KUKAMI ATUGHIU 8:37

“Aghakhu lo püqümiye, asagha, amülhü kushu no axabo fupithi, tülhaqu momu katsülanga ighi, momu pano ghümi no leighi no khagho khasü luve, momu püsa eno kiukiu küsü mu ighi aye,

JOB 18:11

Akümsapu no ala kümtsü lono pa shikichi eno pa haqhi cheni.

JOB 20:25

Tino pa vepilipe pa phi tüxau no ipeghi nani, eno apiji yikümtsü phuphushi keu no pa tithi vepili ipeghi kelo pa ye kichimamave nani.

JOB 31:8

I no xusükeu kütami no chuve peni eno I lulo pekighi kümtsü abo lono nhüve pelo.

LESHELE 109:6

Pa lachile penike kixikilami lakhi süküsü shilo; nguku akeu pelo pa u ajeu puthugho pelo.

LESHELE 73:19

Panongu ye kishi paikhavi lono kütsave kea, aküighüpu no qhoi jolepe wuvae!

LESHELE 78:33

Ikehu Pa no pano tsala pesü atuthukishe toi hauvepe eno shithüghüikeu lono pano küxü mpe puwove tsüe.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

AHOLE 3:33

Kixikilami kibo shou Ampeu ngusü ikughi cheni, ikemu Pa no amikuchomi kibo kümghatsü cheni.

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

ISAIAH 62:8

Ampeu no Pa u ajeu eno Pa u kumto shou no ashoqhi hitoi shivae: “Hinguno hilau ye nongu thi pesü no ghümi tsümae eno inaghami ye no tsaizü shope moae;

ISAIAH 7:2

Kughou “Syria ye Ephraim sasü visho shipe ani,” ipi David laghami Ahaz vilo pi keno, pa ngo paw timiqo mlo ye amülhü no aghasü lo asüboqo fukini keshi khokho shive.

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

JEREMIYA 15:3

I no panoqo kütsani kemi ajeli bidi süsüni, ipi Ampeu no sheshu: ghiqhi kepu zütakikihi, mikipe wuni keu atsüqo, külhü chuve eno qhoi kütsave kepu aghau eno tüghashiqo.

JEREMIYA 15:8

I no azüghi lo asaye nguno alau chimemi kutomo shive tsüae; I no puchomghü lono apumi paza noqo kütsave nike saghivae; I no züleno amlo ghuju ngo akümsapu pesü panongu shou pukue.

JEREMIYA 20:4

Ampeu no ishi piani: Julo, no eno o küsami ghenguno I no akümsapu shitsüni. Nono ju aphi lono panongu ye aghümi zütakikihi lono ikiqive nani. Judah ye qhoi Babylon kükau u lo süvetsü nani. Pa no panoqo akughumi shi sasü Babylon lo wuve nani eno azütakikihi no panongu ghiqhive nani

JEREMIYA 5:17

Panongu no nongu chuqupu chukhave tsü nani; no pu-angaqo kütsave tsü nani; no mishi eno ane chuve tsü nani; no tsaibo eno mubuthi chukhave tsü nani; nongu no pükhübe chekeu aliwo kumto phughiqo azütakikihi no kütsave tsü nani.”

EZEKEL 24:23

Nongu kütsü küküzüphi nongu kütsü lo xapu nani, eno nongu pukhukuqho xapu nani; nongu ye mloqamo nani, ikemu nongu xine ghenguno tsümauve nani eno lakhino lakhi lau sakütü igha nani.

EZEKEL 33:10

“No, timi nu, Israel kibolomi vilo pilo, Nongu no ishi pike: ‘Mtsüqheino ni kipimi eno ni xine ye ningu shou ani, eno ningu ye tipaqo ghenguno tsümavae. Imaye ningu ye kishino xüluni kea?’

AMUS 5:11

Kughengu nongu no kumlhomi nedaqoda eno pa launo athi zame luve chenike ghenguno, nongu no heküthatu ki shiqhe püaghi namu, nongu ye tile ngomla nani; nongu no alo kepushi atsailu chi ani kemu nongu ye tipaqo tsaiji shomla nani.

MICAH 6:15

Nongu no shosü nani kemu xolumo nani; olive tsüghü nani kemu thazü pesü nongu nukishe monani; nongu no atsaithi tsüghü nani kemu atsaiji yemo nani.

HAGAYI 1:6

Nongu no kutomo xusü kemu aghulo likhi ghile hulue. Nongu no chucheni kemu lukümkha kühae; nongu no sho cheni kemu aghapiqilu chemoe. Nongu no pepu mini cheni kemu khunomu lüvüilu chemoe. Eno khunono aqe qelu cheni keno pewo süqhu küixü lo süve chenie.

ZEKHARIA 14:12

Khuno shiaye no Jerusalem sasü aghü shini keno tipaqo lau püsa hipau ighi nani: panongu no puthugho apülaghi pano phiashi ye tsüle nani, pano nhethi no anhebo lono tsüle eno pano mili no akichi lono tsüle nani.

MALAKI 2:3

Julo, I no nongu tianuli lomipi no nongu kümllagho tübatüzü pesü nongu gi nudatsü nani, eno tipau gholono nongu peve nani.

ZAKINIU 28:51

Panongu no nongu tsüaqu no ati piti keqo ngo now tüxatini chukhave tsü nani eno nongu kütsakungo nani. Panongu no nongu pühave moke kutolo now athi, atsaizü, thazü, amishi, ambe eno aneqo kiumu qhitsü mono luvetsü nani.

ZAKINIU 32:25

Aki khalau azütakikihi no akithi süghi nani; alou no shithüghüi keu anani, apumi ilimi eno anga kughunu ngo asa kümpami lau aphiphi shi hitoi shi nani.

IBRIMI 10:31

Aküxüpu Lhou u lo ikiqi ilolu keu ye kümsa kimshipue!

XAKUTHAMI 6:11

Tipa ghuloki lo AMPEUw kungumi lakhi no ighi no Ophrah lo Abiezer laghami Joashw aphisübo qholo ngove; pa nu Gideon ye Midianmi launo küsüve niye atsaizü kütsüghü-a lono ashothi munu ae.

SAMUEL ATUGHIU 2:33

Milakhi khuu I no I kümlla khache lono ikhive monani keno pa no amloiju anhezü piji nani, eno o lagha kümtsü ghüyi lono wove nani.