ACHINE 25:35 - Sumi Naga CL (Re-edited) Bible (BSI)

³⁵ “No thiküzümi no kumlhomi shive no apo qemlave aye, pa ye inaghami eno kachenami lakhi toi nono pa tuchoni, eno no gholo xüni.

BAIBEL (BSI)

³⁵ Israilmi akusami lakhi okupunulo achekeuye kumlhomi eno pa likhi papo qemlano aghi aye nono aqe kiqemi tsuke toi pa ghenguno kutope qhitsu masake tishianguno paye okupunu ghi xualu nanike.

ACHINE 25:35 Iomraidhean Croise

NEHEMIA 5:1

Timi kutomo no panongu nipu sasü pano thiküzümi Jewmi shou igha ipeghive.

NEHEMIA 5:3

Khami ishi pi kemi ghi ae, “Püqümiye ghenguno ningu ye ni luza ngo atsailu eno akiqo pesü atheli shi athi luvae.”

JOB 31:16

“Tsala kumlhomi no laju chekeu I no süchilelu püaghi, momu chimemi püqapunu püzü anhebo khoivepe aghi aye,

LESHELE 112:5

Khunono michhi mono pünakile cheni; pa kümla lo achipiu shicheni keno pa ye alokivipue.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

LESHELE 37:26

Pa ye alhokuthu nibonilei pünatsü cheni, eno pa tianuli ye kükümgha shi cheni.

LESHELE 41:1

Khunono kumlhomi jukuto cheni keno pano lokivipue! Shiluküsa tsala lo Ampeu no pa xaphelu cheni;

IPEKULU 22:21

“No ye kupokichemi pimi moni momu nedaqoda moni, kughengu nongu ye Egypt yeghi lo kupokichemi shi cheke.

IPEKULU 22:24

I loghu no iqü ipeghive nani, eno I no azütakikihi pesü nongu pithive nani, nongu nipuqo ye chimemi shive eno nongu nuliqo ye mighimi shive nani.

IPEKULU 22:25

“Tsala nono Iw timi kumlhomi o gholo akemi lau pisa püna aye, no ye pisa püna kighishe chekemi toi pa lau akighishe lumoni.

IPEKULU 23:9

“No ye inaghami peitha püsa moni. Nono inaghami mlo ithi anie, kughengu nongu ghi Egypt yeghi lo inaghami shi acheke.

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

ACHINE 19:34

O küsami Israelmi toi pa peithani eno o likhi o toi pa kimiyeni. Kughengu nongu ghi Egypt lo kupokichemi shiche ke: Ni ye Ampeu nongu Lhou ke.

ACHINE 25:25

“O thiküzümi lakhi no kumlhomi shive no pa yeghi hami jeve aye, pa bolomi no ighi no ti qhüchilelu pelo.

MATTHEW 25:35

Kughengu I no müzüthi akelo nongu no achuqupu I tsü, I no tüghüthi akelo nongu no yekepu I tsü, I no inami shi akelo nongu kilo I sasü,

Mark 14:7

Kughengu kumlhomi ye alhokuthu nongu no sasü anani, eno kugho kughomu nongu no pano lau akivi kümla shinishi kelo shilu nani. Ikemu nongu ye alhokuthu I sasü anike kumoe.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

John 12:8

Kughengu kumlhomi ye alhokuthu nongu gholo anani, ikemu ni ye alhokuthu nongu gholo ani chemoe.”

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

Rommi 12:18

Toluke thaqhü, o müzülou ye timi kümtsü sasü külakishi lono xülo.

Rommi 12:20

Tipa züqhulo, “o ghümi no müzüthi aghi aye pa loji lo; pa no tüghüthi aghi aye kiuala yekepu tsülo; kughengu nono tishikeu huno ami kuchughei keu hipe pa kütsü lo pukutsü keshi nani.”

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

2 Kor. 9:1

Ni ye küpülümi lau mla kepu vehu pesü nongu lau yekepu kühae,

Galatiami 2:10

Panongu no avehu lakhi, I no shinishi qhiyi chekeu kümla, ti ye kumlhomi kümsülu tsülopi ningu vilo pike.

ZAKINIU 23:19

“Pisa na, achuqupu na, kiu kiumu akighishe lono no thiküzümi püna moni, eno akighishe lumoni.

IBRIMI 13:2

Shoinami sasüni keu kughucho kevilo, kughengu khami ye mthano kungumi sasü luvae.

1 John 3:17

Ikemu khuana no ayeghi lo thime jeli aghi no pa thiküzümi no avesa akeu ithulu pülaghi pa mlo xükho move aye, kishino Alhouw kikimiye ye pa lolo ngoni kea?