ACHINE 25:17 - Sumi Naga CL (Re-edited) Bible (BSI)

¹⁷ Lakhino lakhi lau akumou shimoni, ikemu nongu Lhou msalo, kughengu Ni ye Ampeu nongu Lhou ke.

BAIBEL (BSI)

¹⁷ Israilmi akusami lakhi pishiqhi kevilo ikemu AMPEU nongu Lhou sumsalo.

ACHINE 25:17 Iomraidhean Croise

BOTHUBO 20:11

Abraham no pi, “I no tishive keu ye ishi kümsülu kehue, ‘Hipa-a lo ye Alhou sükümsa küha mithe, eno panongu ye I nipu ghenguno I heqhive nanie.’

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

BOTHUBO 39:9

Akibo hipau lo I nguno alau kije kühae, momu pa ye o likhi kumo aye kütau kiumu I launo süchileve moe, kughengu no ye pa nipu ke. Tishi aye kishino küsakügha kije eno axine hipau ni ye Alhou hebide ghi shini kea?”

BOTHUBO 42:18

Atsala aküthüni Joseph no panoqo vilo pi, “Hi shilo eno nongu ye xülu nani, kughengu ni ye Alhou sümsa chenie:

YEKIKITHI AKINIU 19:7

Tishiaye Ampeu sükümsa nongu shou alo. Nongu no xatha keu lo kutokupui lo, kughengu Ampeu ni Lhou ghenguno amikucho kumo momu agikuju momu külügho kulu ye a-a kühae.”

NEHEMIA 5:15

I züu angh shi ighi keqo no timiqo shou shishe amakho bepüaghi eno panow tsalakipe chuqupu ghenguno timiqo launo atsala lo ghükayi ahu tüxa lu cheghi. Panongu qemi thotsü timiqo qhasüpe ache. Ikemu ni ye Alhou sükümsa ghenguno titoi shimoe.

NEHEMIA 5:9

Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

LESHELE 19:9

Ampeu sümsa keu ye mithe mithei, alhokupuju ache nani; Ampeu yezah ye kuchou, eno thokha lo achipiue.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

AHOLE 22:22

Kumlhomi ke shiaghi kehu paw süxa luve tsü kevilo, küghakütha-a lo shilusa akeqo chunudaqhi kevilo,

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

JEREMIYA 22:16

Pa no mighimi eno kumlhomi ghenguno mlae; tino pa ghenguno akivi shilue. Hi ye Ni ithikeu kiqike kumo? ipi Ampeu no sheshu.

ACHINE 19:13

“No ye o kisüghüu nedaqoda momu pükaqhi kevilo. Nono piqe akemi jume kijili lakhi ghenguno pinamu süchileve kevilo.

ACHINE 19:14

Akini kughupomi ghusho kevi momu anhechemi pelo küpxalu penike pa zülo kiumu qhitsü kevilo. I sümsalo: Ni ye Ampeu nongu Lhou ke.

ACHINE 19:32

“Kitemi zülo sükümsa shi puthughoni eno kichimi agigihu tsüni, I sümsa lo: Ni ye Ampeu ke.

ACHINE 25:14

Israelmi aküsami vilo ayeghi jesü momu pa launo qhülu püaghi aye, lakhino lakhi lau akumou shimoni.

ACHINE 25:36

Pa launo akighishe momu ala lumoni, ikemu O Lhou sümsa no pa pelo o gholo xüpelo.

ACHINE 25:43

Ayiküsa shi panoqo peitha moni ikemu nongu Lhou sümsalo.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

Luke 12:5

Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

Apostolmi 10:2

Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

Apostolmi 10:35

ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Rommi 11:20

Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

Rommi 3:18

“Pano nhethe lo Alhou sükümsa kühae.”

ZAKINIU 25:18

Nongu no qeive eno akulhoshi chekelo, panongu no nongu leighi, eno Alhou msa mono athiu chekemi ghiqhive tsüe.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.