ACHINE 24:8 - Sumi Naga CL (Re-edited) Bible (BSI)

⁸ Sabbath atsütsü lo Aaron no hitoi kithipe Ampeu zülo qhini; hi ye alholo Israelmi züqhushi puloshoqhi shi anie.

BAIBEL (BSI)

⁸ Sabat pinye atsu-tsulo ighinikeu ghuloki kumtsulo AMPEU gizulo ashopa qhitsu masake. Hiye alhokupujulo Israilmino shiche masake.

ACHINE 24:8 Iomraidhean Croise

YEKIKITHI ATUGHIU 23:29

Itaghi akümlapu jeli: Ampeu zülo asho qhitsüni keu, athi kümllagho ghenguno ashomkhu, kholaqhi sümono zümzümüi keu sho, püghakeu sho, thazü pesü kunukeu sho, eno akümllagho mighi-huju tsüni keu, hi kümtsü lo kuphutsü penike panongu pichebe.

YEKIKITHI ATUGHIU 9:32

Itaghi Kohath lagha lo khami no Sabbath tsalani akümlla-khache lo qhikepu sho kümla lo ampi shiche.

YEKIKITHI AKINIU 13:11

Panongu no ina kijili atsütsü Ampeu lau akipti kümllagho ngo axokütsüngü pesü tsücheni, ameshoyi akiviu kibepu lo asho kutope qhitsü cheni, eno ameshoyi kulu kibepu tucho cheni, tishianguno akulu pelo kijili atsütsü iqü peniye ke. Ningu ye Ampeu no azah tsükeu pape cheni, ikemu nongu ye Pa phevae.

YEKIKITHI AKINIU 2:4

Julo, ni ye Ampeu I Lhou je ghenguno aki shiqhe nike kuto ani, eno tileno axokütsüngü piti, tsalakipe akümlla sho qhitsü, eno Israelmi ghenguno alholo ina kijili, Sabbath lo, aqhi kithe lo, eno Ampeu ni Lhou tiqhetini lo, akipti kümllagho tsünike aki tipau ikhiphe tsüniye ani.

NEHEMIA 10:33

ti ye akimthe sho, tsalakipe athi kümllagho, tsalakipe akipti kümllagho, Sabbath tsala, aqhi kithe pine, tiqhetini, akimthe kümllagho, Israelmi xine pevekütsü kümllagho, eno ni Lhou ki kümla ghenguno avehupu shive keu kümtsü tsüni.

IPEKULU 25:30

Akimthe sho ye alhokuthu I zülo akibepu shou qhilo.

AKIKIHI 4:7

Ampeu zülo asho kibepu shou panongu no atsüla phi qhano tipau shou akhu ajukhu, axokütsüngü kümlla bohu, atsaizü kümlla khu-ajukhu; alhoaye lo asho qhiche keu ghi tile qhini.

SAMUEL ATUGHIU 21:7

Tipa tsalani Saul qemi lakhi ye tile Ampeu zülo khathape ae. Pa je ye Doeg, Edommi lakhi. Pa ye Saul mishi khemi atou ke.