ACHINE 23:4 - Sumi Naga CL (Re-edited) Bible (BSI)

⁴ “Kihitha tsükeu tiqhetini hipaqo ghuloki lo sheshuni.

BAIBEL (BSI)

⁴ Kichetsu pua keu ghulokilo tiqhetini hipaqo pesu asheshulo.

ACHINE 23:4 Iomraidhean Croise

NEHEMIA 8:15

eno hi ye aphughi kümtsü lo ngo Jerusalem lo sheshu masae pi vethalu, “Ato yeghi lo wulo eno olive, aghalo olive, myrtle, amsabo, eno asü kütau lokaqo pighepe Ayezah lo yepüake toi apusho mlalo.”

IPEKULU 12:14

“Hipa tsala ye nongu ghenguno kümsümamo keu tsala lakhi shi nani, eno Ampeu lau tiqhetini lakhi shi nongu no hipau pechelo, tiqheli kümtsü lo ayezah lakhi shi nongu no hipau tiqhetini peni.

IPEKULU 23:14

“Ampe lo ghuthu küthü nongu ye I lau aghulhu shini.

ISAIAH 29:1

Ariel, Ariel, khikhi David no khasü keno aphughi huye ahae! Ampe atsütsü tiqhetini jeli pini alo.

EZEKEL 44:24

Aküküpna lo panongu no xaküthami shini, eno Iw küghakütha kiqi lono küghathabeni. Panongu no Iw tiqhetini kümtsü lo I yezah eno akhuayeqo papeni, eno akimthe shi Iw Sabbath papeni.

ACHINE 23:2

“Israelmi pütsa no pilo, Ampeu lau tiqhetini hipaqo ye akimthe hoho kiqi lono sheshu lo; hipaqo ye I no kihitha tsüke.

ACHINE 23:21

Tipa tsala lo asheshu no aqoaho kumqoni, eno tsalakipe kümla shimoni. Tiqheli kupuju lo hi ye alholo acheni keu pimheye shivae.

ACHINE 23:37

“Kihitha tsükeu tiqhetini hipaqo ye Ampeu salake nongu ye achuqupu kümllagho, akipti, athi, eno atsaizü kümllagho pesü avehupu shikeu tsalani no Ampeu tsünike sheshu no kumqoni.

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.