ACHINE 23:38 - Sumi Naga CL (Re-edited) Bible (BSI)

³⁸ Akümllagho hipaqo ye Ampeuw Sabbath gholo nonguw ashoqhi kümllagho eno pulokini kümllagho Ampeu tsükeu gholo küqhani.

BAIBEL (BSI)

³⁸ Tiqhetini hipaqoye Sabat pine ado atsutsulo shichekeqo nguno alauke eno akumllagho hipaqoye nonguno ado atsutsulo agho tsuche keu, ashoqhi shikupulu keulo akumllagho tsukeu eno puloniqhiyi keu kumllagho pesu AMPEU lau tsuchekeu nguno alauke.)

ACHINE 23:38 Iomraidhean Croise

YEKIKITHI AKINIU 31:14

Levimi Imna nu Kore, kipela khagho kheu no Alhou lau pulokini gho, Ampeu ghenguno kotha keu kümllagho kijeni keu, eno shishe akimthe kümllagho shou ampi shie.

LESHELE 56:13

Kughengu akithi lono Nono I ngulho xaphe tsüe, iyei, ikiqive kepu lono I pukhu xaphe tsüe, tishino I pelo aküxüpu küvü lo Alhou zülo alache wulu peke.

LESHELE 76:12

Pa no kükapumi kuchunive eno kükami shithüghüi cheni.

EZEKEL 46:12

Akipti kümllagho na külakishi kümllagho namu kughou kükapuu no pulokini kümllagho Ampeu tsüni keno, pa ghenguno kipela khagho khaqhi tsüni. Sabbath tsala lo tsü cheke toi pa no akipti kümllagho momu külakishi kümllagho ikhiphe tsüni. Tishino pa ye ipeveni, eno pa no ipeve kethiu khagho ye khaveni.

ACHINE 19:3

Nongu ye I no azah tsüke toi pütüta puaza sümsa lo eno Sabbath pelulo: Ni ye Ampeu nongu Lhou ke.

ACHINE 23:3

“Atsala tsügho dolono akümla shini, ikemu atsala akütsüniu ye Sabbath kulhokiqhi hoho tsalae. Nongu ye akümla shimoni, Nongu no khile khile xünamu hi ye Ampeuw Sabbath ke.

ACHINE 23:37

“Kihitha tsükeu tiqhetini hipaqo ye Ampeu salake nongu ye achuqupu kümllagho, akipti, athi, eno atsaizü kümllagho pesü avehupu shikeu tsalani no Ampeu tsünike sheshu no kumqoni.

ACHINE 23:39

“Aqhi akütsüniu atsala chighiapunguu lo nongu no ghile lupusü ighi luve kelono tiqhetini hipau atsala tsüni pinini. Atsala atüghüu ngo akütacheu ye akimchi kulhokiqhi shini.

AKIKIHI 29:39

“Nongu no ashoqhi kümllagho momu pulokini kümllagho tsükeu nguno tiqhetini tsalaqo lo hipaqo pesü Ampeu lau tsülo: akipti kümllagho, athi kümllagho, atsaizü kümllagho eno kuposhukulu kümllagho.”

ZAKINIU 12:6

Nongu no now akipti kümllagho, aghakishi kümllagho, chighi saje, pulokini kümllagho, ashoqhi kümllagho, kümsagho, eno amishi ngo ambe piti tüghüu kümllagho kümtsü tilau no mllani.