ACHINE 23:3 - Sumi Naga CL (Re-edited) Bible (BSI)

³ “Atsala tsügho dolono akümla shini, ikemu atsala akütsüniu ye Sabbath kulhokiqhi hoho tsalae. Nongu ye akümla shimoni, Nongu no khile khile xünamu hi ye Ampeuw Sabbath ke.

BAIBEL (BSI)

³ Nolikhi no kumla shikepushi nonguye atsala tsugho ani, ikemu atsala akutsuniu kumsululo, Sabat pine tiye akulho qhikeu tsalake. Tipau tsala loye mla kevilo ikemu akumlla hoho ghenguno kumqolo. Nonguno khile khile xu aghi namu Sabat pineye AMPEU wuke.

ACHINE 23:3 Iomraidhean Croise

IPEKULU 16:23

pa no panoqo vilo pi, “Ampeu no azah tsükeu ye hike: ‘Thoghiu ye tsaqüi akulho qhikeu tsala, Ampeu lau akimthe shi ikhiphe tsükeu Sabbath ke; kiu ghukepu keno ghuve eno kiu bekepu keno bevelo, achili kiu aghini keno inaqhe sala qhivelo.’”

IPEKULU 16:29

Julo! Ampeu no Sabbath nongu tsüe; tighenguno atsala akütsüghou lono Pa no atsala kini ghenguno asho nongu tsüe. Nongu kümtsü pütüta-a lo ngove lo; atsala akütsüniu loye khuu pelomu pa-a lono khalau ipepe kevilo.”

IPEKULU 16:30

Ikehu timiqo no atsala akütsüniu loye akulho qhive.

IPEKULU 23:12

“Atsala tsügho dolo nono o kümla shini, ikemu atsala akütsüniu loye akulhoqhi lo; tishianguno o mishitsü ngo ow khurha no akulho qhilu peni, eno o qemi totimi nuli ngo shoinami pelo aghüthi püxü kithelu penie.

IPEKULU 34:21

“Atsala tsügho nongu no mlalo, ikemu atsala akütsüniu ye ghisho momu ghile dolo shi aghi namu nongu ye akulho qhini.

ISAIAH 56:2

Timi nu khuu no Sabbath ikhilu cheni eno ti shipütha chemo, alhoksa kiumu shimoni eno mtotoi ti pape cheni keno pa kümghapue.”

ISAIAH 56:6

“Inaghami khunono Ampeu gholo xükime luve akeno, Pa huthu eno kimiye, eno Pa qemi shi acheni keno, khunono Sabbath ikhilu cheni, ti shipütha chemo eno Iw puloshoqhi mtotoi pecheni keno,

ISAIAH 58:13

“Tsala nongu no Sabbath tsala lo nongu pukhu süchile aye, eno I kimthe tsala lo nongu shi pulou shinikeu lono süchile eno Sabbath tsala ye azüküvüpu tsala kepi aye, eno Ampeuw akimthe tsala ye gihuküzüpu kepi aye; tsala nongu no pulou laghi zümono, momu akümla shimo eno adou tsa küghamo no atsala tipau ikhilu aye,

ACHINE 19:3

Nongu ye I no azah tsüke toi pütüta puaza sümsa lo eno Sabbath pelulo: Ni ye Ampeu nongu Lhou ke.

Luke 13:14

Ikemu Jisü no Sabbath lono shipivie pikeu huno sinagog yepeu gha shikighidepe timiqo vilo pa no pi, “Akümla shikepu aghi keu ye atsala tsügho dolono mla cheni. Sabbath tsala lou no kumono tipaqo tsala lou no ighi no shipivi lulo.”

Luke 23:56

Tithiu panongu no idewo axokütsüngü eno shikipivi tsüni kutope qhive. Azakütsü kiqi lono panongu no Sabbath loye akulhoqhive.

Apostolmi 15:21

Kughengu khaghi tiqheli lono aphughi kümtsü lo Moses Yezah sheshu ighivae, eno Sabbath atsütsü sinagogqo lo phisü acheni.”

Piyeküsü 1:10

Ampeu Tsalani I no Aghungu lono kuposhu akeloye I thiu afuko toi asütsa lakhi no vekipighi pikeu chilu,