ACHINE 23:28 - Sumi Naga CL (Re-edited) Bible (BSI)

²⁸ Tipani ye akümla shimoni, kughengu ti ye axine peve tsünike Ampeu lau Lokichile Tsala ke.

BAIBEL (BSI)

²⁸ Tipaniye akumla shikevilo kughengu tipau tsalaniye axine ikhivetsu nike chininikeu tsalake.

ACHINE 23:28 Iomraidhean Croise

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 16:30

Kughengu hipa tsalani no nongu shikimthe nike lokichile shitsüni, eno nongu ye Ampeu zülo axine kümtsü lono mithelu nani.

ACHINE 16:33

Pa no akimthe-a, kuposhukulu phiki, akiptia, achinemi, eno aqoaho timi kümtsü ghenguno shikimthe tsüni.

ACHINE 16:34

Hi ye nongu ghenguno alholo pimheye ae: Israelmi xine kümtsü shikimthe tsünike ghenguno ampe lo ghuthu lakhi lokichile shini.” Ampeu no azah tsüke toi Moses no shike.

ACHINE 23:27

“Aqhi akütsüniu atsala achighiu ye Lokichile Tsala ikhiluni. Tipani ye kümvüni ke ghenguno kumqoni eno achuqupu kümllagho Ampeu lau tsüni.

ZEKHARIA 3:9

Kughengu julo, I no Joshua zülo atu qhipüa keu, atu lakhi anhethi tsüni akeu lo I no atsa yetha pukupe qhitsü nani, aqokitikhi Mpeu no asheshu, eno hipau ghakhu xine ye I no atsala lakhi lono ikhive tsü nani.

IBRIMI 10:10

Eno Jisü Khristo phimpi no ghuthu khavino akümllagho shive tsükeu vecheo Alhou pulou lono ningu shikimthe luvae.

IBRIMI 10:14

Kughengu pa no ghuthu lakhi aghashi keu lono khunoqo shikimtheve akeno tipaqo alhokuthu ghenguno kupukülaive tsüe.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

1 John 5:6

Hi ye, Khuu azü eno aji pesü ighi keno—Jisü Khristo huke; azü likhimu kumo ikemu azü eno aji kinikujo ke. Eno Aghungu no kuchou kepi ashepe shitsü, kughengu Aghungu ye kuchou huke.