ACHINE 22:18 - Sumi Naga CL (Re-edited) Bible (BSI)

¹⁸ “Aaron ngo pa nuli eno Israelmi kümtsü vilo pilo, Israelmi momu inaghami lakhi no ashoqhi momu pulokini kümllagho ghenguno Ampeu lau akipti kümllagho süghi kelo,

BAIBEL (BSI)

¹⁸ Aron ngo pa nuliqo eno Israilmi kumtsu lau pekithiyeh hipaqo tsupeniyeke. Kughono Israilmi milakhino momu Israil lo akemi inaghami lakhino pitikeu kumllagho lakhi sughini keno, tiye ashoqhi shivekeu shikupunike momu puloniqhiyi keu kumllagho shi aghi namu, tukutiye kuhakeu lhoxu lakhi shiaghi masae.

ACHINE 22:18 Iomraidhean Croise

YEKIKITHI AKINIU 31:14

Levimi Imna nu Kore, kipela khagho kheu no Alhou lau pulokini gho, Ampeu ghenguno kotha keu kümllagho kijeni keu, eno shishe akimthe kümllagho shou ampi shie.

LESHELE 116:14

Paw timiqo kümtsü zülono I no I shoqhi Ampeu lau shikupuni.

LESHELE 116:18

Paw timiqo kümtsü zülono I no I shoqhi Ampeu lau shikupuni,

LESHELE 22:25

Ahoho kije lo Iw shekiqhe ye O launo ighie; Pa sümsa chekemi zülono I no I shoqhi shikupuni.

LESHELE 56:12

O Alhou, ni ye O lau I shoqhi shikupu masa nani; shikimthi kümllagho O lau shikupuni.

LESHELE 61:5

Kughengu, O Alhou, Nono I shoqhi chiluvae; Nono O je sümsa chekemi mheghi pesü I tsüvae.

LESHELE 61:8

Ikehu I no tsala kipetsü I shoqhi shikupu keu shi alholo O je sheqhe ale pheni.

LESHELE 65:1

O Alhou, Zion lono O sheqheni keu ye aküzüpue eno O lau tushokiqhi shikupuni.

LESHELE 66:13

I no akipti kümllagho pesü O kilo ighini; O lau I no I shoqhi shikupuni,

IPEKULU 12:5

Nongu mbe ye atsü, ampe lakhi tukutiye küha keu shilo. Nongu no ambe momu ane loji lono kishelu nani,

YETSAPIU 5:4

Kughou nono Alhou lau tushoqhini keno, ti shikupu nike süpushu kevilo. Pa ye anikhami shou amlo kiqi kühae. Nono piqhive keu shikupu lo.

ACHINE 1:10

“Tsala pa kipti kümllagho no ambe momu ane shiaghi aye, ti ye atsü tukutiye kühakeu shini,

ACHINE 1:2

“Israelmi pütsa no pilo, Kughou nongu khuana no Ampeu lau akümllagho shi lhoxü süghini keno, nongu kümllagho tipau ye amishi momu ambe shiaghi masa.”

ACHINE 17:10

“Israelmi na inaghami pano gholo akemi khukhumu lhoxü ji chukeu ye I no pa launo I gi kughove nani eno paw timiqo gholono hapheve nani.

ACHINE 17:13

“Israelmi na inaghami no gholo akemi khukhumu chukulupu shi-aghau veqhi kelo, pa ye ayeghi shou aji kighijive no ayeghimkhu no ti jonhaveni.

ACHINE 22:17

Ampeu no Moses pütsa no pi,

ACHINE 23:38

Akümllagho hipaqo ye Ampeuw Sabbath gholo nonguw ashoqhi kümllagho eno pulokini kümllagho Ampeu tsükeu gholo küqhani.

ACHINE 7:16

Ikemu pa ghakishi no ashoqhi momu pulokini kümllagho shi aye, tipau shi ye pa no aghashike tsala lono chuveni, eno achili ye thoghiu no chuni.

AMUS 4:5

kholaqhi sükeu shikimthikütsü kümllagho pesü tsülo, eno pulokini kümllagho pesü pikülha asheshulo; kughengu nongu ye tishikeu alo chenie, O Israelmi!” ipi Ampeu no asheshu.

JONAH 1:16

Tileno timiqo ye shishe Ampeu msave, eno panongu no aghakishi kümllagho pesü Ampeu mlla eno ashoqhi shie.

JONAH 2:9

Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

MALAKI 1:14

Pishikiqhiu khuu no ambeloji lo atsü lakhi akeu pesü mllani kepi tushoqhive no tukutiye akeu pesü Ampeu lau agha shini keno pa ye angusüpue. Kughengu Akükau akijeu ye Ni ke, aqokitikhi Mpeu no pi, eno shiyeqo dolo I je sümsa nani.

AKIKIHI 15:3

eno ashoqhi shikupu keu momu pulokini kümllagho momu tiqhetini ghulhu ghenguno now lhoxü loji lono achuqupu kümllagho, akipti kümllagho, aghakishi kümllagho pesü Ampeu lopushi tsüngqüi tsüni keno,

Apostolmi 18:18

Hipa thiu Paul ye ado hami ngo apüzü, küpülümi qhive no Priscilla ngo Aquila pama sasü ashuka lono Syria lo wuve. Pa no ashoqhi shipüa kehu Cenchreae lono akütsüsa tsave.

ZAKINIU 12:17

Now athi, atsaizü, thazü, eno amishi ngo ambe piti tüghüu lo chighi saje, momu ashoqhi kümllagho, pulokini kümllagho, eno akimchi kümllagho thaqhü ye nongu no küghüna akeu phughi lono chumoni,

ZAKINIU 12:6

Nongu no now akipti kümllagho, aghakishi kümllagho, chighi saje, pulokini kümllagho, ashoqhi kümllagho, kümsagho, eno amishi ngo ambe piti tüghüu kümllagho kümtsü tilau no mllani.

ZAKINIU 16:10

Tishino Ampeu nongu Lhou lau Ghile Pine ikhilu keu shi Ampeu no nongu kümgha tsükeu pesü nongu u lono pulokini kümllagho tsülo.