ACHINE 22:10 - Sumi Naga CL (Re-edited) Bible (BSI)

¹⁰ “Achineu bolomi likhi no thono pa kilo inami momu aqe kiqemi khumu akimthe kümllagho chumlae.

BAIBEL (BSI)

¹⁰ “Achinemi bolomiqo likhino akimthe kumllagho chulu nani kethono kutami khuumu tipau chumla, achineu sasu akemi pina momu pano aju piqesu akemi pinamu tipau chumlake.

ACHINE 22:10 Iomraidhean Croise

EZRA 2:63

Angh no panoqo vilo achinemi lakhi no Urim ngo Thummim sasü kighinikile jumoke kutolo shishe akimthe chuqupu lo küsaje kevilo pive.

IPEKULU 12:43

Ampeu no Moses ngo Aaron vilo pi, “Hi no Hechekulu yezah ke: Inaghami khumu hipau chumoni,

IPEKULU 12:45

Inaghami momu qele qemi ye hi chumoni.

IPEKULU 29:33

Panoqo pesü akimthepu shikelo axine pevekütsü chini keu lo kiu peitha keno tipau panongu no chuni, ikemu kütami ye tipau chumoni kughengu tipaqo ye akimthe ke.

EZEKEL 44:8

Eno Iw akimthe thime khuayeqo pape move, ikemu I kimtheki lo I yezah nongu ghenguno tsükeu nongu no kütami pelo pape luvepe ke.

ACHINE 21:22

Pa ye Alhou chuqupu chulu nani, achuqupu kümllagho ngo shishe akimthe chuqupu ghi chulu nani,

ACHINE 22:13

Ikemu achinemi nga no chimemi shive momu akibo ixave papu kilo ideighive aye, li ye ti chulu nani; ikemu kütami ye chumlae.

AKIKIHI 3:10

Eno nono Aaron ngo pa nuliqo süsüni, panongu no achine kümlapu jukuto anani. Ikemu khalaumi khuu khumu aphivilo ighikeu ye pithiveni.”

MATTHEW 12:4

Pa no Alhou kilo ilo Ampeu mllakeu sho chukelo ti ye achinemi sala likhi kehu pa shi aghina, pa gholo kichemi namu, ti chuni keu yezah kühake.

SAMUEL ATUGHIU 21:6

Ikehu achineu no akimthe sho pa tsü, kughengu tile kütau sho ye kühano ikhiphepe Ampeu zülo tsüve keu sho likhi ae, ti ye asho külü pewo qhike tsala lo likhino Ampeu zülono ikhipe wuve cheke.

SAMUEL ATUGHIU 21:7

Tipa tsalani Saul qemi lakhi ye tile Ampeu zülo khathape ae. Pa je ye Doeg, Edommi lakhi. Pa ye Saul mishi khemi atou ke.