ACHINE 17:5 - Sumi Naga CL (Re-edited) Bible (BSI)

⁵ Hi ye Israelmi pelo khalau no aghakishi lhoxü heqhi süghi mono kuposhukulu phiki lo achineu lau süghi no Ampeu lau külakishi kümllagho shipeniye ke.

BAIBEL (BSI)

⁵ Ahza kutsu hipau kiqiye Israilmi pelo panonguno aluza lono lhoxu heqhikeu pesu AMPEU lau sughi pemoniyeke. Panonguno itehiye Aphiki hukikhalo achineu lau lhoxu tipaqo saghilo eno kuposhukulu kumllagho lakhi shi ghiqhilo.

ACHINE 17:5 Iomraidhean Croise

BOTHUBO 21:33

Abraham no Beersheba lo tamarisk bo lakhi shosü eno tileno Ampeu, Shekhaha Lhou sheqhe.

BOTHUBO 22:13

Abraham no pa nhethi tsüpuku jukelo pa thiu ambetsü lakhi atsünipho lo akibo künakufupe aghi. Pa no wuno ambetsü pesü pa nu züqhulo akipti kümllagho shi tsüve.

BOTHUBO 22:2

Alhou no pi, “O nu lakhi likhi akeu Isaac, khuu nono kimiye cheni keno, pa sasü Moriah yeghi lo wulo, eno tilau naghuto lakhi khikhi I no o piyeni keno tileno pa pesü akipti kümllagho shi tsülo.”

BOTHUBO 31:54

Jacob no atoghi ghakhu lono aghakishi lakhi mlla eno pa sholokumi kusü no asho chue. Panongu no asho chuve no atoghi ghakhu lono tsüküzü puwove.

KUKAMI ATUGHIU 14:23

Panongu no pano ghenguno atoghi eno asübo kümtsü lo qhemghai ke-a, atsükucho, eno Asherim mlape qhi,

KUKAMI ATUGHIU 3:2

Ampeu je ghenguno achineki shimono ache kehu timiqo ye qhemghaike-a lono aghashi che.

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

KUKAMI AKINIU 16:4

Pa no qhemghaike-a, atoghi, eno asübo kicheqho kümtsü lono aghakishi ngo akümllagho pesü mllae.

KUKAMI AKINIU 17:10

Panongu no pano ghenguno atsükucho ngo Asherim julho mlape atoghi eno asübo kicheqho kümtsü lo qhi,

YEKIKITHI AKINIU 28:4

Pa no aghakishi ngo akümllagho pesü qhemghaike-a, atoghi, asübo kicheqho kümtsü lono mllae.

IPEKULU 24:5

Eno pa no Israelmi lhothemi puwu no panoqo pelo Ampeu lau akipti kümllagho ngo amshitsü pesü külakishi kümllagho ghakishi shipe.

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 22:9

Nongu dolo aji peleni ye akimki tsa pikemi ani, eno naghutoqo shou iku no chusho chekemi ani; panongu no kipti-toti dolo mithekumo shie.

EZEKEL 43:27

Kughou panongu no atsala hipaqo kupuveni keno, atsala akütacheu nguno hulau ye achinemi no akümlla-khache lono akipti kümllagho eno külakishi kümllagho mllani, eno I no nongu ikhilu nani ipi Ampeu no asheshu.”

EZEKEL 44:15

“Ikemu Zadok laghami, Levimi achinemi, khunoqo Israelmi no I launo lavela lo wuve kelo I kimtheki lo aghini shiche keno, panongu no I huthuni ke I kupunu ighi nani. Eno panongu no atha eno aji pesü I mllani ke I zülo puthugho nani ipi Ampeu Alhou no asheshu.

ACHINE 17:6

Achineu no aji pesü kuposhukulu phiki kulaghi lo Ampeu kiptia küzüteve no atha mülüi pitipe Ampeu lopushi tsüni.

ZAKINIU 12:2

Nongu no shiye hale niye akeqo no pano lhou mlla cheke-a, naghuto kuchuqu, atoghiqo, eno asübo qholo ache keqo kümtsü kütsave lo.