ACHINE 16:6 - Sumi Naga CL (Re-edited) Bible (BSI)

⁶ “Aaron no pa eno kibolomi ghenguno lochile tsü penike amshitsü pesü axine kümllagho shitsüni.

BAIBEL (BSI)

⁶ Pa likhi pa xine eno pa kibolomi xine ikhipeve tsunike pano amshitsu lakhi pesu agha shikeushi mllalo.

ACHINE 16:6 Iomraidhean Croise

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

EZEKEL 43:19

nono axine kümllagho ghenguno atsüaqu dolono amshitsü lakhi pesü Zadok limi Levimi achinemi khunono I mllani ke I kupunu ani keno panoqo tsüni ipi Ampeu no asheshu.

EZEKEL 43:27

Kughou panongu no atsala hipaqo kupuveni keno, atsala akütacheu nguno hulau ye achinemi no akümlla-khache lono akipti kümllagho eno külakishi kümllagho mllani, eno I no nongu ikhilu nani ipi Ampeu no asheshu.”

ACHINE 16:3

Ikemu pa ye hitoi Akimthe-a lo ighini: axine kümllagho ghenguno amshitsü lakhi eno akipti kümllagho ghenguno ambetsü lakhi süghini.

ACHINE 16:7

Tithiu pa no anetsü küma sasü kuposhukulu phiki kulaghi lo Ampeu zülo ighini.

ACHINE 9:7

Pa no Aaron vilo pi, “Akiptia kupunu wuno o xine kümllagho ngo o kipti kümllagho shino no eno ow timi ghenguno lokichile shilo, eno Ampeu no azah tsüke toi timiqo kümllagho süghi no pano ghenguno lokichile shitsü lo.”

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

IBRIMI 9:7

ikemu akiniu bocho loye achinetou likhino ampe lo ghuthu lakhi likhi iloche, tighi pa ampi ghenguno eno timiqo kümtha xine ghenguno aji pemo keloye ilo chemoe.