ACHINE 16:17 - Sumi Naga CL (Re-edited) Bible (BSI)

¹⁷ Pa no Akimthe-a lo ilo no ipeghi püzü pa ngo pa kibolomi eno Israel qoaho kümtsü ghenguno lokichile shimoke kutolo khunomu kuposhukulu phiki lo ngomoni.

BAIBEL (BSI)

¹⁷ Aron no Shishe Akimthe-a lo shikimthekeu chine chininike ilo puzu ipeghimoke kutolo timi lakhimu Aphiki alou ngokepu kumoe. Kughou pano pa likhi pa ghenguno, pa kibo eno aqoaho kuchopu ghenguno achine chinini keno,

ACHINE 16:17 Iomraidhean Croise

YEKIKITHI ATUGHIU 6:34

Elkanah nu, Jeroham nu, Eliel nu, Toah nu,

IPEKULU 34:3

Khumu o gholo ikughi moni, eno naghuto qhalo timi khumu ithulupe kevilo. Naghuto ghüngü lomu ambe momu atsüaqu loji achu kümza kevilo.”

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 16:16

Hitoi pa no Israelmi kimthe kumo eno pano xine kümtsü ghenguno Akimthe-a shikimtheni. Kuposhukulu phiki khikhi panow mithekumo gholo ani keno tipau ghengu ghi hitoi shini.

ACHINE 16:18

Pa no Ampeu zülo akiptia lo wuno tipau ghenguno lokichile shini, amshitsü ji eno anetsü ji hami pesü akiptia cheku lo akiboqo lo lesüni.

Luke 1:10

Tile axokütsüngü piti ake tüqhüdo lo kuho kumqo akemi no khalau no akighini shia.

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 9:7

ikemu akiniu bocho loye achinetou likhino ampe lo ghuthu lakhi likhi iloche, tighi pa ampi ghenguno eno timiqo kümtha xine ghenguno aji pemo keloye ilo chemoe.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,