ACHINE 14:7 - Sumi Naga CL (Re-edited) Bible (BSI)

⁷ Eno apüghami khuu shikimthe niye ani keno pa shou ghuthu tsüni aji küzüteni. Tishino pa ye mithe luvae pi shuphe tsüno aghau küxü ye aluza lo phe puwuveni.

BAIBEL (BSI)

⁷ Pano timi khuu ayiko kusu lono shikimtheve niye ani keno tipau shou ghuthu tsuni ahji pesu kuzutelo eno tishieno paye mitheve akepi pivetsulo. Pano aghau xu akeu pelo aluzaqalo yewuve pelo.

ACHINE 14:7 Iomraidhean Croise

KUKAMI AKINIU 5:10

Elisha no atsapemi puwu no pi, “Jordan lo wuno ghuthu tsüni qhuvelo eno no ye athoputho luve no mithe luve nani.”

KUKAMI AKINIU 5:14

Ikehu pa no Jordan lo iqi no Alhou timi no pikeu kiqi lono, ghuthu tsüni azü alou ilo pütsü, ikelo pa ye athoputho luve, pa phimpi no anga yiko toive, eno pa ye mithe luve.

LESHELE 51:2

I kipimi lono I qhukimthe tsülo, eno I xine lono shikimthe tsülo!

LESHELE 51:7

Ayilobo pesü I shikimthe tsülo, eno ni ye mithelu nani; I qhukimthe tsülo, eno ni ye mürasü nguno metsüghoive nani.

ISAIAH 52:15

ikemu itehi ye Pa no shiye kutomo süküthü nani. Pa jupe kükami no pano kichi kujukha luve nani; kughengu panongu vilo khilemu piphemo keu ithulu ani, eno khikhi panongu no chimla aphi keno ti vethalu ani.

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 13:13

achineu no itaghi chheju no tino aphi kuchopu qhawove no metsüghoi aghi aye, ti ye viwo chea kehu pa ye mithe luvae pi shuphe tsüni.

ACHINE 13:17

achineu no pa jukutoni, eno apiyi no metsüghoi aghi aye, timi huye achineu no pa ye mithevae pi shuphe tsüni.

ACHINE 14:51

Pa no cedar sü, ayilo, ayeho kipili huchuyi keu eno aghau küxü pesü tipaqo aghau heqhive keu ji eno azü küxü lo chosü no aki tipau shou ghuthu tsüni küzüteni.

ACHINE 16:14

Pa no amshitsü ji hami pesü auloti chosü no kimiyekini lakhü zülono kipela küdau ghuthu tsüni küzüteni.

ACHINE 16:19

Pa no auloti pesü akiptia shou aji ghuthu tsüni küzüte no Israelmi xine lono tipau kishekimthe pe akimthe shitsüni.

ACHINE 16:22

Ane no panongu xine kümtsü xapusü timi küghünamo ke-a lo wuveni, tilau no pa no kuqho pheveni.

ACHINE 4:17

pa no nhaqhiphi zülono aji lo pa uloti chosü no Ampeu zülo ghuthu tsüni küzüteni.

ACHINE 4:6

pa no akimthe-a kulaghi lo nhaqhiphi zülono aji lo pa uloti chosü no Ampeu zülo ghuthu tsüni küzüteni.

ACHINE 8:11

Thazü hami pesü akiptia lo ghuthu tsüni küzüte no akiptia, tile akhu-ajukhu jeli, chithakhu eno akibepu kümtsü nuve no kishekimtheve.

MICAH 7:19

Pa ye itaghi ningu lau küpüqhiyi keu anani; Pa no ni xine nedave tsü nani. Nono ni xine kümtsü azüghi kutho lo vesüve tsü nani.

AKIKIHI 19:12

Pa ye atsala aküthüni eno atsala akütsüniuni, pa ampi qhukimtheni eno tithiu no mithelu nani. Ikemu pa no atsala aküthüni eno akütsüniuni pa ampi qhukimthe mo aye pa ye mithelu monani.

John 19:34

Ikemu ghüshimi lakhi no angu pesü Jisü jibo lo qhusütsü kemtsa aji ngo azü qoipeghi.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 9:13

Kughengu anetsü ngo amshitsü ji, momu amshiali pitikeu yevu pesü mithe kumomi shou lepuku kelo ashou shikimthe luve cheni aye,

IBRIMI 9:19

Moses no timi kümtsü lau Ayezah lo azakütsü lakhikhi no sheshu kelo, pa no amshiti ji ngo ane ji pesü azü, ayiloni eno ayeho kuhu gholono Ayezah kaku ngo timi kümtsü shou küzüte puku,

IBRIMI 9:21

Tihutoi itaghi Moses no aphiki ngo akümlla khu-ajukhu kümtsü aji no küzüteve.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 John 5:6

Hi ye, Khuu azü eno aji pesü ighi keno—Jisü Khristo huke; azü likhimu kumo ikemu azü eno aji kinikujo ke. Eno Aghungu no kuchou kepi ashepe shitsü, kughengu Aghungu ye kuchou huke.