ACHINE 14:21 - Sumi Naga CL (Re-edited) Bible (BSI)

²¹ “Ikemu timi huno kumlhomi eno tijehi tshamla aye, pa ye akipimi kümllagho ghenguno ambeti atsü lakhi, ashomkhu ahu lakhi thazü gholo kunuve keu, eno thazü ajukhu lakhi süghini;

BAIBEL (BSI)

²¹ Timi huno kumlhomi eno tijejehi tomla kepu shi aye, pa shikimthe kepu ghenguno paye bheriti atsu lakhi likhi sughilo tiye pano lochilekeu kumllagho lakhi shikepu shi AMPEU lau akimchigho lakhi achineu ghenguno sughilo. Paye asho mukhu oliv teli pesu kunuvekeu kilogram lakhi likhi athi kumllagho shikepu shi eno oliv teli liter saje kuthulo lakhi sughilo.

ACHINE 14:21 Iomraidhean Croise

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

AHOLE 22:2

Kinimi ngo kumlhomi dolo kimshilu chekeu ye hike: Ampeu no pama kinikujo lhoke.

EZEKEL 46:7

Athi kümllagho ye amshitsü gholono ephah lakhi, ambetsü gholono ephah lakhi, eno ambeqo gholo pa no tsükulupu qhemi, tipau gholono ephah lakhikhi lo thazü ahu küthüthü ishi kutoni.

ACHINE 1:14

“Tsala Ampeu lau pa kümllagho no aghau kipti kümllagho shiaghi aye, pa ye aqhewo momu amiqhi süghini.

ACHINE 12:8

Li no ambe qhümlave aye, aqhewo kini, momu amiqhi süghini, lakhi no akipti kümllagho eno lakhiu no axine kümllagho shini. Achineu no li ghenguno lokichile shitsüni, eno li ye mithe luve nani.”

ACHINE 14:10

“Atsala akütacheni pa no tukutiye kühakeu mbetsü kini, ampe lakhi mbequ lakhi, ashomkhu thazü pesü kunuve keu ahu küthü, eno thazü ajukhu lakhi süghini.

ACHINE 14:22

itaghi axine kümllagho ngo akipti kümllagho ghenguno lakhikhi tsü kepushi aqhewo kini momu amiqhi kini, pa no shikulu süghini.

ACHINE 27:8

Khuana no kumlhomi kehu ame tsümla aye, pa ye achinemi lau saghini, eno timi tipau no kutolu kepu qhemi lono achineu no ame betha tsüni.

ACHINE 5:11

“Ikemu timi huno aqhewo kini momu amiqhi kini tshamlave aye, pa xine ghenguno axine kümllagho shi ashomkhu akiviu ahu lakhi süghini. Hipau lo thazü na müsüghüta namu kitemoni, kughengu hi ye axine kümllagho ke.

ACHINE 5:7

“Ikemu pa no khikhiu mu süghimla aye, pa xine lovetsü penike pa ye Ampeu lau lokichile shi aqhewo kini momu amiqhi lhothe kini, lakhino axine kümllagho eno lakhi no akipti kümllagho ghenguno süghini.

Luke 6:20

Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

SAMUEL ATUGHIU 2:8

Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.