ACHINE 12:7 - Sumi Naga CL (Re-edited) Bible (BSI)

⁷ Achineu no Ampeu zülo süghi no li ghenguno lokichile shitsüni. Tishino li ye aji chiji akeu lono mithe luve nani. Hi no totimi khukhumu atianuli punu keu ghenguno ayezah ke.

BAIBEL (BSI)

⁷ Achineuno liwu akumllagho pesu AMPEU mllalo eno liwu mithekumo ikhivetsu keu chine chinilo eno liye chini kepu lono mitheluve nani. Tishiaye, totimi lakhiye punuve kethiu hipau shimasae.

ACHINE 12:7 Iomraidhean Croise

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

JOB 14:4

Mithekumo lono akimthe thime süghilu nanio? Khumu kühae.

ACHINE 1:4

Pa no pa u pesü piti mlla niye akeu lhoxü kütsü lo inapeni, eno pa ghenguno lochile tsü penike süghi keu pa kümllagho ikhilu tsüni.

ACHINE 12:6

“Kughou tipa tsala kupuni keno, kiptimi na totimi namu li no punu püakeu ghenguno akipti kümllagho tsünike ampe lakhi mbe eno axine kümllagho ghenguno amiqhi momu aqhewo lakhi pesü kuposhukulu phiki kulaghi lo ighi no achineu tsüni.

ACHINE 12:8

Li no ambe qhümlave aye, aqhewo kini, momu amiqhi süghini, lakhi no akipti kümllagho eno lakhiu no axine kümllagho shini. Achineu no li ghenguno lokichile shitsüni, eno li ye mithe luve nani.”

ACHINE 15:15

Achineu no lakhi pesü axine kümllagho eno lakhiu no akipti kümllagho shi tsüni, eno timi tipau shikimthe tsüni.

ACHINE 4:20

Axine ghenguno amshitsü heqhipe mlla kelo toi, hipa kümllagho ghi titoi shini. Hitoi achineu no timiqo ghenguno lokichile shitsü no pano kipimi qhitsüni.

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

ACHINE 4:35

Külakishi kümllagho shikelo ambe ghapheu tha luve cheke toi achineu no atha kuchopu ikhipe Ampeu lau achuqupu kümllagho tsü chekeu kiptia shou no pitiveni. Tithiu achineu no timi hipau xine ghenguno lokichile shitsü no pa kipimi qhivetsü peni.

Rommi 3:23

kughengu kümtsü no axine shive no Alhou juküvü lono ikiqive,

Rommi 3:26

Ti ye ishi tiqheli lo ghi Pa chipiu-mikucho piyeni kehue, tishianguno Pa ye achipiu, eno khukhumu Jisü lau aküpülü aghi keu pesü achipiu shi tsüniye ke.

1 Kor. 7:14

Kughengu aküpülü kumo akimi huye pa nipu vecheo akimthe shiluve nani, eno aküpülü kumo anipu huye li kimi vecheo akimthe shiluve nani. Tikumo aye no tianuli ye mithekumo shiniae, ikemu itehi panongu ye ikhikulupu shiani.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.