ACHINE 10:15 - Sumi Naga CL (Re-edited) Bible (BSI)

¹⁵ Aluko eno amlashi ye panongu no akipti kümllagho lono atha ikhiphelu keu gholono Ampeu zülo akimchi gho tsünike süghini, eno tipaqo ye Ampeu no azah tsüke toi alholo no eno o nuli saje shini.”

BAIBEL (BSI)

¹⁵ AMPEU lau atha pesu piti mllake ghulokilo panonguno aluko ngo amlashi sughi pelo. AMPEU no ahza tsuve keutoi aleqhi hipaqoye alhokupujulo no eno otianuli salake.”

ACHINE 10:15 Iomraidhean Croise

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 17:13

khuu o ki lono punu momu ow pisa no qhülu keno kümtsü mtsüqheino aphighüyiko ghave tsüni. Tishianguno Iw puloshoqhi ye shekhaha puloshoqhi shi o philo ananike.

BOTHUBO 17:17

Tileno Abraham no pa gi pishiqhope nuuve no pa likhi pa pütsa ghi pi, “Ampe aqhe shive kemi lau anu punulu nani keshea? Ampe lhotoku shive keu Sarah huye anu mishilu nani keshea?”

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

IPEKULU 29:27

Amlashi khikhi paküta keu kümllagho shive akeno, eno ikhiphekütsü mbetsü Aaron ngo pa nuliqo saje lono achinemi saje aluko ikhiphe tsülo.

IPEKULU 29:28

Tipau ye Israelmi launo alholo Aaron ngo pa nuliqo saje shini, kughengu ti ye qhaphelu keu lakhi ke. Ti ye Israelmi no Ampeu lau panoqow külakishi kümllagho tsükeu lono qhaphe keu shini.

ACHINE 2:3

Amkhu nguno alau athi kütau achili thaqhü ye Ampeu lau agha shive keu saje eno kümtsü dolo akimtheu shive akehu Aaron ngo pa nuli sala shini.”

ACHINE 3:17

Nongu ye atha na aji namu chumoni, hi ye tiqheli kupuju lo nongu no küghüna chekeu-a kümtsü lo pimhe cheni keu yezah shivae.

ACHINE 7:34

Israelmi kümllagho ghakishi lono amlashi khikhi akimchi gho keno eno aluko shi, achineu ghenguno küqhaphe keu ye I no ikhipe Aaron ngo pa nuli tsüvae, ti ye alholo Israelmi kümllagho lo tsüche peniye ke.

AKIKIHI 5:9

Israelmi no akimthepu lo hitoi qhapesü achineu lau süghi keu ye paw shive nike za.