ACHINE 1:13 - Sumi Naga CL (Re-edited) Bible (BSI)

¹³ ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

BAIBEL (BSI)

¹³ Timi huno kighinoli ngo aluko qhuvemasa eno heqhi mllakeu tipau achineuno pesu AMPEU tsulo eno tipau leqhi kumtsu akiptia lono pitilo. Achuqupu kumllagho hipauye AMPEU lopu shi cheni.

ACHINE 1:13 Iomraidhean Croise

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

YEKIKITHI AKINIU 4:6

Ti qhukimthe kepu chithakhu chighi mla, pungu no apeu küdau eno pungu no ahuu küdau qhi; hile no panongu pelo akipti kümlla lo peitha keqo qhuqhive peniye ke. Azütughuko ye achinemi pelo qhukimthelu peniye ke.

EZEKEL 40:38

Tile achebo lakhi ahukikha shisüpe khagho lo abo ae, tileno akipti kümllagho qhuche.

ACHINE 1:9

ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

ACHINE 2:11

“Ampeu lau akümllagho jeli süghi keu lakhi lomu kholaqhi sümoni, kughengu kiukiu ghakishi lomu kholaqhi momu akhingozü ye akümllagho shi pitipe Ampeu tsümlae.

ACHINE 2:2

eno Aaron nuli achinemi lau süghini. Akümllagho qhoi pitipe Ampeu mllavae pi kümsülu apenike achineu no ashomkhu au kiye lakhi, thazü eno müsüghüta kuchopu ikhipe akiptia lono pitiveni, mülüi keu xo hino Ampeu lopu ke.

ACHINE 3:5

Tishino Aaron nuli no akiptia lo piti mlla akeu shou no hipaqo kümtsü pitiveni; Ampeu lopu mülüi keu xo hino achuqupu kümllagho ke.

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

ACHINE 6:14

“Hi no athi kümllagho yezah: Aaron nuli no Ampeu zülo akiptia gizüu süghini.

ACHINE 8:21

Ampeu no azah tsüke toi Moses no aboloshi eno apukhuqo azü no qhuve no ane kupuju akiptia lono pitive. Tino mülüi keu xo kipti kümllagho, achuqupu kümllagho Ampeu lopu ke.

AKIKIHI 15:3

eno ashoqhi shikupu keu momu pulokini kümllagho momu tiqhetini ghulhu ghenguno now lhoxü loji lono achuqupu kümllagho, akipti kümllagho, aghakishi kümllagho pesü Ampeu lopushi tsüngqüi tsüni keno,

AKIKIHI 15:4

khuu no akümllagho pesü ighi ani keno, pa no ashomkhu akiviu ahu kini, thazü ahu lakhi gholo kiteve keu pesü Ampeu tsüni;

AKIKIHI 28:11

Aqhi bothu lo Ampeu lau akipti kümllagho hitoi tsülo: tukutiye kühakeu mishitsü kini, anetsü lakhi, ampe lakhi mbetsü tsüni;

AKIKIHI 28:8

Ambeti lakhiu no tsüküzüu no mllani. Inaqhe athi kümllagho eno atsaizü kümllagho toi Ampeu lopushi tsüngqüi achuqupu kümllagho shi ghi tsülo.

ZAKINIU 12:27

eno no kipti kümllagho, ashi ngo aji ishi pesü Ampeu nongu Lhou kümlla khache lono mllalo. Nongu ghakishi lhoxü ji ye akiptia lo lepukuve no ashi ye nongu no chuveni.