3 John 1:10 - Sumi Naga CL (Re-edited) Bible (BSI)

¹⁰ Ikehu I no ighi aye pa no kiu shi ani keno, ningu shou küsakügha tsa zalepuku püakeqo lhephe nani. Tiu ghi aghaqimo no pa ye athiküzümi sasüni keu lachile cheni, eno kütami no sasünie pi keghi pa no lakhave püzü akukuho lono panoqo hapheve cheni.

BAIBEL (BSI)

¹⁰ Tighenguno pano kiukiu shipuani keno ino ighi anguno pano ningu shou lhoksakugha tsa zalepukukeqo kumtsu kughaju nani. Paye tighi aghaqimo puzu pa ampino athikuzumi sasunikeu hachileve, eno kutamino sasunikeu ghi pano hachilevetsu eno akukuho lono athikuzumiqo hapheveke!

Sümi Tiqhelimi Bible

¹⁰ Ike kughou I no ighini keno, pa no kiu shi ani keno I no tipau pephe nani, tiye pa no tixe eno akükümsü küküha tsa pesü ningu ghili külha akeu ke. Tipau lo aghaqi müla no, pa ye küpülümi kütamiqo sasǘ pe nikeu kutólo ghí milive ke. Khunoqo no sasǘ nishi ani keno tipaqo pa no lakhave ke eno akukuhou lono hapheve ke.

3 John 1:10 Iomraidhean Croise

AHOLE 10:10

Anhethi kütsüpe timi tsükeu ye aküküpna xukutho ani, ikemu anikha tsapimi ye shiküpsapu sholuve cheni.

AHOLE 10:8

Akükümsü kivi puche kemi ye azakütsü ikhilu cheni, ikemu anikha tsa piche kemi ye shiküpsapu sholuve nani.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

John 9:22

(Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

2 Kor. 13:2

I no ghuthu akiniu nongu lau ighi kelono ghutu ketoi, itehi ghi putou akelono ghutuve ani, ike püzüu axine shive keqo eno kütami kümtsü lau I no kütüghü anike I no itaghi ighi aye, ni ye panongu kipimi qhitsümo nani,

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

1 Tim. 5:13

Tinguno alau panongu ye akipichimi shive no aki atsütsü iqhoiqi anikeu shikalu cheni, eno akipichi likhi kumono, adou lono mighimghai kütami xishi-jekuuve cheni.

2 John 1:10

Khuana no nongu lau ighi kelo hipau kükütsü peighimo aye, nongu kilo pa sasü kevi, momu pa sasü pethamu shi kevilo,

2 John 1:12

Nongu lau kutomo yelu kepu aghi namu kakupa ngo kiyezü peitha moveni. Tipa züqhulo ni ye nongu lau ighi no agi kinheqhe ghi küptsa kileni ke laju ani, tishianguno ningu lokivi kupulu peniye ke.

3 John 1:3

Kughou athiküzümiqo no ighi püzü nono kuchou küxü lo puthugho achekeu pesü ashepe shi keno, ni ye shishe alovive, kughengu mtsüqheino no ye kuchou küdau checheni ke.

3 John 1:5

I qhuu, athiküzümi hipaqo ye inaghami keghi nono aka-agha shi panoqo ghenguno kiu shicheni keno ti ye pükhükulupu kümla ke,