2 Tim. 4:8 - Sumi Naga CL (Re-edited) Bible (BSI)

⁸ Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

BAIBEL (BSI)

⁸ Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

Sümi Tiqhelimi Bible

⁸ Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

2 Tim. 4:8 Iomraidhean Croise

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

LESHELE 31:19

O, O sümsa chekemi ghenguno khikhi akivi Nono pekütsü püani keno, O launo sükusho luche kemi ghenguno mla püakeu ye timi zülo kishi kupukuno shi ani kelae!

LESHELE 7:11

Alhou ye amikucho xaküthau, Pa ye tsalakipe alhoksa shou axuide chekeu Lhou ke.

AHOLE 4:9

Li no aküzüqhiyi keu eno jukivi kütsükuqho pesü o pipe nani.”

MALAKI 3:17

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi Mpeu no pi, eno apu lakhino anu khuu pa qe cheni keno pa kimiye ketoi I no panoqo kimiye nani.

MATTHEW 24:36

“Ikemu tipa tsala eno atüqhüdo ye khunomu mthae, kungumiu ghi mthae, Anu thotsü mthae, ikemu Apu likhino ithi ani.

MATTHEW 7:22

Tipa tsala lo kutomo no I vilo pi nani, ‘Ampeu, Ampeu, ningu ye o je lono Alhou tungkuptsa pi, o je lono tüghamiqo haphe, eno o je lono akümzapu kümla kutomo shipüani ke kumo keshea?’

Luke 10:12

I no nongu vilo piani, tipa tsala lo Sodom ghimeu nomu aphughi tipau nguno puqhe kulupu shi nani.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

Rommi 8:23

Pulhoküsü likhi kumoe, ikemu ningu khunoqo Aghungu lo amsüu xathi ani keno, ningu pesü atianuli shi saluve no ni phimpi xachilelu tsü penike khekulhoshi huqhe akelo, ninguu ghi aghime pulho kelau no alouno iju igha acheni.

1 Kor. 2:9

Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

1 Kor. 3:13

pütüta kümla pephe piye nani, kughengu Atsala huno aküvü lo pephe nani, eno milakhikhi no kiutoi keu kümla mla püaghini keno ami no pitiju nani.

1 Kor. 9:25

Aghilimi kümtsü no thokha lo alikhi ampi ghasü cheni. Panongu ye pepushu moni keu kütsükuqho ithuluni ye hi shicheni, ikemu ningu ye püha moni keu saxü ithulu niye ke.

2 Kor. 5:2

Ningu ye kungughalo kungo nanu pepunishi kelauno ayeghi lo phiki lo akelo amloiju igha acheni,

FILIPIAMI 3:11

kiu kiu gholau nomu akithi lono xüputhulu peniye ke.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

1 Thes. 5:4

Ikemu athiküzümiqo, nongu ye aküzü lo amoe, ikehu atsala huno küpkami toi nongu kichiqhi pekepu kumoe.

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

1 Tim. 6:19

Hitoi shikeu lono pano sala akini pekütsüpe hithiu ghenguno aboqha shimasae, tishikeu lono panongu ye kuchou küxü tsüqülu nani.

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

2 Tim. 1:18

Tipa tsala lo pa pelo Ampeu launo küpükini ithulu peniu! Pa no Ephesus lo akümla kivi thokha shi keqo nono akivishi ithi ani.

2 Tim. 2:5

Pokuxu kelo iloni kemi ye pimheye kümtsü pelumo aye asaxü qemlae.

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

IBRIMI 12:11

Sakiyi qoputhu keu tüqhüdo loye alovike kumono aghime shi cheni, ikemu khunono aghimeshi qoputhu luveni keno tipaqo ye iqüghai keu mikucho xathi pithilu cheni.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

1 Peter 1:4

kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.