2 Tim. 3:8 - Sumi Naga CL (Re-edited) Bible (BSI)

⁸ Jannes ngo Jambres pama no Moses mjochile ketoi, timi hipaqo ghi kuchou mjochile cheni. Timi hipaqo ye amlo lo küsaküghami eno aküpülü lo kihisü mlave kemi ke.

BAIBEL (BSI)

⁸ Joana ngo Jambre pamano Muse mujochile ketoi timi hipaqo ghi kuchou mujochile chenie. Timi hipaqoye kusakugha kumsuchekemi eno akupululo chighi chilaikemike.

Sümi Tiqhelimi Bible

⁸ Jannes ngò Jambres pama no Moses lachile ketoi, kükütsümi hipaqo ghí kuchou lachile cheni. Panongu ye shipüsa keu kükümsü xapu chekemi timiqo eno Aküpülü vehu lo kiumu ameküha ke.

2 Tim. 3:8 Iomraidhean Croise

IPEKULU 7:11

Tithiu Pharaoh no alokütsümi ngo küdüumi ku, eno Egypt lo küdüumi ghi panow tuqhou mqü vecheo tipaphi shilue.

IPEKULU 7:22

Ikemu Egypt lo küdüumi ghi panow tuqhou mqü vecheo tipaphi shilue. Ikehu Pharaoh mlo ye kuthovi auve, eno Ampeu no pi ketoi, pa ye pama tsa ini tsümove.

IPEKULU 8:18

Küdüumi no panow tuqhou mqü vecheo amthu kughulho niye pükapütsa kemu tishi mlave. Ikehu amthu no timi eno tüghashiqo shou ikughive.

IPEKULU 8:7

Ikemu küdüumi ghi panow tuqhou mqü vecheo tipatho shilue eno achuyiqo pelo Egypt yeghi shou ikughi lupe.

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Rommi 16:18

Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

1 Tim. 1:19

aküpülü tsüqüpe eno akükümsü mtsümishei peniye ke. Timi khami ye hipaqo milive keu lono pano küpülü shipüsavae.

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

2 Tim. 4:15

No ampi ghi pa launo kutokupui lo, kughengu pa ye akumtoshi ningu kükütsü küla püani.

Titus 1:10

Kughengu hekibidemi kutomo ani, ameküküha tsa kipimi eno pishikiqhimi, akhoto no aphighüyiko kügha mqo ani.

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

2 Peter 2:14

Panongu ye asalha nhethi xapu ghasümla mithe axine shinishi cheni. Panongu no timi tsaqütsaleimo kemi züluve cheni. Panongu ye alakimne lono qopheve keu mlo xapu ani, Ghushove keu ti-anuliqo!

1 John 2:18

Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

Piyeküsü 2:6

Tishimu no ye hipau aphie: no ye Nicolaitmi kümla mithi cheni, Ni ghi ti mithi chenie.