2 Tim. 2:19 - Sumi Naga CL (Re-edited) Bible (BSI)

¹⁹ Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

BAIBEL (BSI)

¹⁹ Ikemu Alhou no ghope qhikeu akumto boqha huye tulamlae; tipaulo ishi yepuku puanike: “Khunoqono Ampeu wu timi keno pano tipaqo ithi ani,” eno “Ampeu laumi ke pichekeqoye alhoksa kumla launo putosuvelo.”

Sümi Tiqhelimi Bible

¹⁹ Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

2 Tim. 2:19 Iomraidhean Croise

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

LESHELE 112:6

Kughengu amikuchomi ye khilemu ithavemo nani; pa ye alhokuthu kütami no kümsü che nani.

LESHELE 34:14

Alhoksa lono tsüghüve no akivi mlalo; aloinokeu phulo eno ti papelo.

LESHELE 37:18

Tukutiye küha kemi tsala Ampeu no ithi ani, eno pano mheghi ye alhokupuju ache nani;

LESHELE 97:10

O nongu Ampeu kimiye chekemi, alhoksa mithilo! Pa no Paw akimthemi küxü pükhalu cheni; Pa no küsaküghami u lono panoqo xalu nani.

AHOLE 10:25

Kixikilami ye pasapagha ighi kelo fupe wuve aghi nani, ikemu amikuchomi ye alholo iqhikumtope qhinani.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

ISAIAH 14:32

Shiye ghinimi vilo kiu khochileni kea? “Ampeu no Zion puthuphe, eno Paw timi aveküsami no ti ijelu cheni.”

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

ISAIAH 63:19

Ningu ye No ye khilemu ni shou ayepe püaghimo kemi toivae, eno O je vecheo ku püaghimo kemi toivae.

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

NAHUM 1:7

Ampeu ye aloe, shiluküsa tsala lo sükusho-a; khunono Pa ije cheni keno Pa no ithi ani.

HAGAYI 2:23

Tipani, aqokitikhi Mpeu no asheshu, I no no ikhilu nani, O Shealtiel nu I qeu Zerubbabel, eno o pesü jedapu nguthi toi shitsü nani, kughengu I no o kisheluvae, aqokitikhi Mpeu no asheshu.”

ZEKHARIA 3:9

Kughengu julo, I no Joshua zülo atu qhipüa keu, atu lakhi anhethi tsüni akeu lo I no atsa yetha pukupe qhitsü nani, aqokitikhi Mpeu no asheshu, eno hipau ghakhu xine ye I no atsala lakhi lono ikhive tsü nani.

AKIKIHI 16:5

Tishino pa no Korah ngo pa gholo chekemi vilo pi; “Ampeu no thanau no khuu no Paw keno piye nani; khuu no akimthe keno, Pa no Pa phivilo saghi nani. Pa no khuu kisheluni keno, Pa phivilo saghi nani.

AKIKIHI 6:27

“Panongu no hitoi I je pesü Israelmi shou beni, eno I no panongu kümgha tsüni.”

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

MATTHEW 7:23

Tileno I no panongu lau shuphe nani, ‘Ni ye khilemu nongu mthae; nongu ayezah heküxamiqo, I launo chevelo.’

MATTHEW 7:25

Tsüqhu-tsüghu ighi, atshünazü ighi, eno amülhü no aki tipau lo fupuku, ikemu ti ye atu shou shipüa kehu ikiqi moe.

Mark 12:16

Panongu no peighi kelo pa no ighiju, “Hi ye khuu julho eno khuu je chishida püani kea?” Panoqo no khochile, “Caesar ke.”

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Luke 13:27

Ikemu pa no pi nani, ‘I no piani, ni ye nongu no khilau no ighi ani keno mthae. Nongu alhoksa kümlami, kümtsü I launo cheve lo!’

Luke 6:48

pa ye timi lakhi no aki shikelo ayeghi thonhei chhusü no atu shou aboqha shike toike. Kughou atshünazü ighi keno, züqozü ghoki no aki tipau lo chhepuku kemu ti ye akivishi mlapüa kehu süküghütha mlae.

John 10:14

Ni ye akheu kiviue. I no I mbeqo ithi ani, eno I mbeqo no ni ithi ani,

John 13:18

Ni ye nongu kümtsü ghenguno piamoe; I no khuno kisheluve akeno ithi ani. Ikemu hi ye Kuchoyesü shikupu niyeke, ‘Khuu no I sho chu keno, pa no I shou chhophisüe.’

John 3:33

Khunono pa tsape ikhilu keno Alhou ye kuchou kepi mtsüqhei ithivae.

Apostolmi 11:26

eno kughou pa no phulu keno, pa sasü Antioch lo ighi. Ampe kupuju pama no akukuhomi sasü kuposhu no timi kütsasa shika. Antioch lono atüghüshi akhopemi pesü Khristomi ipi kulue.

Apostolmi 15:17

tishianguno timi jeli eno Jewkumomi khunoqo I je vecheo kuluve akeno, panongu pelo Ampeu phu peni, ipi Ampeu khuu no khaghi no hipaqo ithipe keno, Pa no pi.’

Apostolmi 9:14

Eno pa ye O je kuche kemi kümtsü kügha niye achinetomi launo azah khuluvae.”

Rommi 11:2

Alhou ye Paw timi khunoqo Pa no azünatha ghi ithi akeno tipaqo kileve mphi. Nongu ye Kuchoyesü lo Elijah ghili kiu pi püani, kishi pa no Israelmi lachile Alhou lau muchho keno mtha keshea?

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 15:20

eno hi ghenguno atsakiviu pesü khilehi Khristo je chimla aphi keno tilau pikülhani keu no I kimjie, tikumo aye ni ye kütami no abo qhave keu shou mlapuku lunosa ke.

Rommi 15:9

tishino Jewkumomi pelo Alhouw küpükini ithulu ke ghenguno Pa juküvüpu shi peniye ke. Ti ye ishi yepüa keu kiqi lono, “Ikehu I no Jewkumomi gholono O sheqhe eno O je shipilini.”

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

Rommi 9:11

punu mphi lono keke kivi-küsamu ithimphi lou no—Alhou no kishelu keu kimji ye akümla lono kumono Pa no kulu keu lono kepi ishokibe pewolu peniye—

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

1 Kor. 8:3

Ikemu khuu no Alhou kimiye cheni keno, Alhou no pa ithi ani.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Galatiami 4:9

Ikemu itehi nongu ye Alhou ithivae, momu Alhou no nongu ithivae, tishiaye kishino itaghi idewo qeinai eno ame küküha ayeghi lo kükütsü jeli no qhasüve penishi eno tipaqo qüaxemi shikitheni shiani kea?

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

Ephesiami 3:15

Pa vecheo kungugha eno ayeghi lo akibo kümtsü je kutsü cheni.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

1 Tim. 3:15

I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

1 Tim. 6:19

Hitoi shikeu lono pano sala akini pekütsüpe hithiu ghenguno aboqha shimasae, tishikeu lono panongu ye kuchou küxü tsüqülu nani.

IBRIMI 11:10

Kughengu pa ye aboqha kumto phughi khikhi Alhou no kughuphe eno shiqhe keno tipau lajukhe cheke.

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Piyeküsü 21:14

Aphughi liwo ye aboqha tu chighikini shou shipuku püa, eno tipaqo lo aje chighikini yepüa, ti ye Ambetiw apostolmi chighikini je ke.

Piyeküsü 22:4

Panongu no Pa gi ithulu nani, eno Pa je no panongu kishe lo anani.

Piyeküsü 3:8

“‘I no o kümlaqo ithi ani. Julo, ahukikha khikhi timi khunomu khalu chemo keno, I no o zülo khaqhi püatsü ae. I no ithi anike no ye aküka kumto kitila likhi akeghi I milivemo no I tsape pelu cheni.