2 Tim. 2:15 - Sumi Naga CL (Re-edited) Bible (BSI)

¹⁵ Tolukivi thaqhülo no ampi pesü kishekiphe, kujo-ighümo keu kümlau hutoi achipi lono kuchou tsa pepimhe no Alhou zülo piyelo.

BAIBEL (BSI)

¹⁵ Akumlami lakhi huye pa kumlalo kujovemo nike kuchou sutsa akivishi pepimhe puzu Alhou zulo ikhikulupu shinike tolukivi thaqhu pukaputsalo.

Sümi Tiqhelimi Bible

¹⁵ Tolukivi thaqhü O likhi O pesü Alhou lau ikhikulupu shini ke pükapütsalo. Akümlàmi lakhi ye kuchou tsa pesü achipi shi hepho-piye keu ghenguno kujove kepu kumoe.

2 Tim. 2:15 Iomraidhean Croise

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

Mark 4:33

Timiqo no vethalu akehu Jisü no kimghikipiye kutomo pesü panoqo lau Atsa sheshu.

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

Rommi 14:18

Ikehu khunono hitoi Khristo qeni keno Alhou zülo ikhikulupu eno timi mlokiqipu shilu ani.

Rommi 16:10

Khristo laumi shiluvepe keu Apelles lau petha tsülo. Aristobulus no kibolomi lau petha tsülo.

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

1 Kor. 2:6

Tishimu aküpülü lo tekhoive kemi lau nino alokütsü tsa pesü picheni, ti ye hipa yeghi lo lokütsü momu yepemi hauveni keqo lokütsü kumoe.

2 Kor. 10:18

Kughengu khuu no pa ampi sheqheni keno, pa no achipiu ke kumoe, ikemu Ampeu no khuu sheqheni keno, pau noke.

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

2 Kor. 5:9

Ikehu aki lo na putosüu namu, ningu ye Pa pulou shini keu no ni kimji ke.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

Ephesiami 1:13

Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

1 Tim. 4:6

Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

IBRIMI 4:11

Tighenguno ningu tipau kulhokiqhi-a lo iloni ke pükapütsani nolo, tishianguno khunomu hekibidemi toi ikiqive pemonie.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

2 Peter 1:10

Tighenguno aküsamiqo, nongu kukulu eno kishekulu hu mtsüqhei lupe kepushi alau aghüthi küxü shilo, kughengu nongu no ameküapu hipaqo pepimhe aye nongu ye khilemu ikiqivemo nani.

2 Peter 1:15

Eno I no wuve kethiu mu nongu pelo kiukiu tüqhüdo lomu hipa vehuqo kümsüchilelu peniye ni ye ahe-agho pephepe mla nani.

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.