2 Tim. 2:14 - Sumi Naga CL (Re-edited) Bible (BSI)

¹⁴ Panongu vilo hipau pesü ghutulo, Alhou zülono panoqo vilo atsa pesü kighekile kevilo pi azah tsülo. Ti ye akivipu kiumu shimlae ikemu ini akemi shipüsani keu likhie.

BAIBEL (BSI)

¹⁴ Nowu timiqo vilo hipau pesu piputolo, Alhou zulono panoqo vilo atsa kusuxa kevilopi tsaquyi kutughulo. Tiye akivipu kiumu shimlake ikemu iniakemi shipusa nikeu likhike.

Sümi Tiqhelimi Bible

¹⁴ Alhou’w timiqo vilo hipaqo vehu pesü pikithe alo. Alhou zülo no panongu vilo atsa ghenguno kütsala keu vehu lo pikichi lo; tiye ameküha ke, eno chilu akemi ghüza keu likhi ke.

2 Tim. 2:14 Iomraidhean Croise

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 2:11

Shiye lakhi ye alhou kumomu pano lhouqo kilive cheni keshea? Ikemu Iw timiqo ye pano jekipi pesü ala küha keu küsükilivae.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

JEREMIYA 23:32

Julo, Ni ye khunoqo no akimki samo tungkuptsa picheni keno pano mjochile ani, ipi Ampeu no sheshu. Ni ye panongu puwu püamo eno ghutumo keghi panongu no kühakügha kimki lono Iw timiqo vilo pi eno saküghüzü sawu cheni. Ikehu panongu ye timi hipaqo launo kiumu ala shimlae, ipi Ampeu no sheshu.

JEREMIYA 23:36

Ikemu no ye khilemu ‘Ampeu pekimshi’ ghili pi kevilo, kughengu ape kimshi ye timi lakhikhi tsake, no ye aküxüpu Alhou, aqokitikhi MPEU, ni Lhou tsa tuchighive ani.

JEREMIYA 7:8

“Julo, nongu no ame küha keu pishikiqhi tsa pükhübe cheni.

HABAKUK 2:18

“Ayi julho kiyiqiu no akoghe mlaphe keu, pishikiqhi shika chekeu huye kiu ala ani kea? Kughengu atsa pikümla julho mla kelo akümlau ye pa no mlaphe keu pükhübe cheni!

MATTHEW 16:26

Timi lakhi no ayeghiqha kümtsü paw shive namu pa küxü pühave aye pa ghenguno kiu ala ani kea? Momu timi ye pa küxü theli lo kiu pesü tsülu nani kea?

Apostolmi 13:10

eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Rommi 14:1

Khuu no aküpülü lo miqemlei ani keno alokivishi ikhiluni thono akükümsü kiyeqü ke ghenguno mto kevilo.

Galatiami 1:7

Kütau tsakiviu anike kumoe, ikemu timi khami no aküpüna nongu tsüno Khristo tsakiviu tuchighive tsünishi ani.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

2 Thes. 3:6

Athiküzümiqo, itehi ningu no Ampeu Jisü Khristo je lono azah nongu tsü ani, khunono akipichi shi xücheni eno nongu no ni launo ikhilu keu kükütsu kiqi lono xüchemo keno, panongu launo tsüghüve lo.

1 Tim. 1:4

eno küghakiche tsa ngo ashekuho küha keu laghaphi ghili lakha peniye ke, kughengu tipaqo ye aküpülü vecheo Alhou launo ighi keu jukükütsü kümlapu pekho ke kumono, avehu küghüzüpu xukutho cheni.

1 Tim. 1:6

Timi khami ye hipaqo lono ala vepimive no adou tsa küghakile keu küdau wuve ani.

1 Tim. 4:8

Aphimpi qokiphe lo ame hami acheni aye, Alhou lau amlo tsükeu ye ala kümtsü ame ani, kughengu tino hipa yeghi lo küxü eno ighini keu küxü ghengu ghi piqhi püatsü anie.

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

1 Tim. 6:13

Thokha kümtsü aküxü tsükeu Lhou zülono, eno Pontius Pilate zülo pikiphe kije shi püakeu Khristo Jisü zülono I no azah o tsü ani,

2 Tim. 1:6

Hi ghenguno I no o shou kükümgha betsü kelono Alhou no agho o tsükeu hu iqü ipeghi penike o piputo ani.

2 Tim. 2:16

Ikemu Alhou sümo keu tsa küghakile keu lo chhosü kevilo, kughengu ti ye alau timi sasü Alhou sümokeu lo wuve cheni,

2 Tim. 2:23

Mbomzü, akükümsü küküha kikighe lo chhosü kevilo, ti ye mtomshu keu iqüphe cheni kepi nono ithi ani.

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

Titus 3:1

Yepemi ngo kükagha kipemi qhoqhü penike panongu ghutu lo, aghokulu shino akümla kivi shinike kutolo pilo.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

2 Peter 1:13

I ghengu ye I no xüake tivilo nongu ghutu ghi xukutho puthuni keu ye achipi ke,

SAMUEL ATUGHIU 12:21

Eno abokümsa thime kiumu ala küha eno xamlani keu pape kevilo, kughengu tipaqo ye abokümsa ke.