2 Tim. 2:12 - Sumi Naga CL (Re-edited) Bible (BSI)

¹² nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

BAIBEL (BSI)

¹² Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

Sümi Tiqhelimi Bible

¹² ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

2 Tim. 2:12 Iomraidhean Croise

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

MATTHEW 10:33

ikemu khukhumu aqha zülono ni milive keu ye ni ghi I pu kungugha lo akeu zülono milive nani.

MATTHEW 26:35

Peter no pi, “Ni ye o gholono thive kepushi namu o milive monani!” Akhopemi kümtsü no tishi pive.

MATTHEW 26:75

Eno Jisü no pikeu tsa Peter no kümsüchilelu, “Awudu no igha mphilo no ye ni mthae pi ghuthu küthü milive nani.” Peter no khalau ipeve no amloiju qae.

Mark 10:33

“Ningu ye Jerusalem lo iqho cheni, eno Timi Nu ye küghape achinetomi ngo Ayezah shikükami u lo süve tsü nani, tishino panongu no akithipu za pa shou küghathave tsüno pesü Jewkumomi u lo süvetsü nani.

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

Luke 12:9

Ikemu khuu no aqha zülono I miliveni keno, tipaphi shi Alhouw kungumi zülono pa milive nani.

Luke 22:29

ikehu I Pu no ayekipeqha I tsüke toi I no nongu tsü ani.

Luke 22:30

Tishikeu lono nongu no I kükaqha lo chusholu eno kükalakhü lo iqa no Israel shiaye chighikini shou küghatha nani.

Luke 9:26

Khuu no ni eno I tsa ghenguno kujoveni keno Timi Nu ghi kughou pa juküvü eno Papu ngo kimthe kungumi juküvü lono ighini keno, pa ghenguno kujove nani.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Rommi 5:17

Kughengu timi lakhi kipimi ghenguno akithi no qhasüpe ache aye, tinguno alaushi khunono Timi lakhiu, ti ye Jisü Khristo, vecheo Alhouw küpükini eno achipikalu kepu kümsagho kupukuno shi ithulu keno, pano no aküxüpu lo ayepe nani.

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

FILIPIAMI 1:28

thono kiu lonomu nongu mjochile chekemi pelo shikümsave penishi amoe. Hi no panongu kütsaveni keu michipue, ikemu nongu ghenguu ye hi no Alhou launo ighikeu xakulupu ke.

1 Tim. 5:8

Ikemu khuu no abolomi tucho moni keno, eno akhotoshi pa kibolomi tucho moni keno, pa ye aküpülü phevae eno pülümokemi nguno alhoksau ke.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

Piyeküsü 20:6

Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 3:8

“‘I no o kümlaqo ithi ani. Julo, ahukikha khikhi timi khunomu khalu chemo keno, I no o zülo khaqhi püatsü ae. I no ithi anike no ye aküka kumto kitila likhi akeghi I milivemo no I tsape pelu cheni.

Piyeküsü 5:10

eno panoqo pesü kükaqha eno achinemi shi ghi ni Lhou lau tsüve kehu panoqo no ayeghi lo ayepe nanie.”