2 Tim. 1:8 - Sumi Naga CL (Re-edited) Bible (BSI)

⁸ Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

BAIBEL (BSI)

⁸ Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

Sümi Tiqhelimi Bible

⁸ Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

2 Tim. 1:8 Iomraidhean Croise

LESHELE 119:46

Kükami zülo I no O zakütsüqo pi nani ni ye akukujo lo ilovemo nani,

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

Luke 9:26

Khuu no ni eno I tsa ghenguno kujoveni keno Timi Nu ghi kughou pa juküvü eno Papu ngo kimthe kungumi juküvü lono ighini keno, pa ghenguno kujove nani.

John 15:27

Eno nongu ghi thopi shitsü nani, kughengu nongu ye abothu lono I gholo acheae.”

John 19:35

Khuu no ti ithulu keno pa no thopi shitsü—paw thopi ye kuchou, eno pa ye kuchou tsa piani kepi pa no ithi ani—tishianguno nongu ghi pülülu peniye ke.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

Rommi 8:36

Ishi yepüake toi, “Atsala kupuju ningu ye o ghenguno akithipu sholu acheni; ambe ghiqhi niye akeu paphishi ningu kihi acheni.”

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

1 Kor. 1:6

ti ye Khristo ghili pesü ashepe shikeu nongu gholo mtotoilu ke—

2 Kor. 6:7

kuchou tsapi eno Alhou küka lono; au ajeu ngo piyiu amikucho ghünanu pesü;

Ephesiami 3:1

Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no

Ephesiami 3:13

Ikehu I no nongu ghenguno aghime sholu akeu jupe aghüthi süve kevilo, ti ye nongu gigihupu ghenguno ke.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

FILIPIAMI 4:13

Khristo no I shikumto keu vecheo ni ye thokha shilu nani.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

1 Thes. 3:4

Nino nongu gholo ake lono ningu ye shikighime keu sholu nanie pi azünatha nongu vilo pike, itehi ye nongu no ithi aketoi tishivae.

1 Tim. 2:6

pa no pa ampi pesü kümtsü ghenguno xakipheme shi tsüve, tino atüqhüdo achipi lono ashepe shi tsüke.

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

2 Tim. 1:16

Ampeu no Onesiphorus kibolomi shou küpükini tsü peniu, kughengu ghuthu kutomo lo pa no I ghüthi püxütsü eno I no akughu yikichhe lo akeu jupe kujomzave moe;

2 Tim. 2:3

Khristo Jisü ghüshimi kivi toi aghime lo asaje lulo.

2 Tim. 2:8

David laghami, Jisü Khristo, akithi lono xüthughive keu hu, I no Atsakiviu lono pikülha chekeu kümsülu lo,

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Piyeküsü 1:2

ikehu John no Alhou tsape eno Jisü Khristo shepekishi ithulu keu kümtsü pesü ashepe shitsü ani.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.