2 Tim. 1:12 - Sumi Naga CL (Re-edited) Bible (BSI)

¹² tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

BAIBEL (BSI)

¹² eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

Sümi Tiqhelimi Bible

¹² I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

2 Tim. 1:12 Iomraidhean Croise

LESHELE 25:2

O I Lhou, I no O pükhübe ani; I pelo akukujo lo ilovepe kevilo; I ghümi pelo I shou tolupe kevilo.

LESHELE 31:5

I ghungu pesü I no O u lo kulhuqhi tsü ani; Nono I qhüchile luvae, O Ampeu, pükhükulupu Lhou.

LESHELE 56:9

Tishiaye kughou I no inikhuni keno tipau tsalani I ghümiqo ye idechile wove nani. I no hi ithi anike Alhou ye I ghenguno anie.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 50:7

Ikemu Ampeu no I kuphu cheni, tigheno ni ye kujove moe; I no atuitu toi I gi teqhitelei ke, I no ithi anike I shikujo monani.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

NAHUM 1:7

Ampeu ye aloe, shiluküsa tsala lo sükusho-a; khunono Pa ije cheni keno Pa no ithi ani.

MATTHEW 12:21

eno pa je lono shiyeqo no lajube nani.”

MATTHEW 24:36

“Ikemu tipa tsala eno atüqhüdo ye khunomu mthae, kungumiu ghi mthae, Anu thotsü mthae, ikemu Apu likhino ithi ani.

MATTHEW 7:22

Tipa tsala lo kutomo no I vilo pi nani, ‘Ampeu, Ampeu, ningu ye o je lono Alhou tungkuptsa pi, o je lono tüghamiqo haphe, eno o je lono akümzapu kümla kutomo shipüani ke kumo keshea?’

Luke 10:12

I no nongu vilo piani, tipa tsala lo Sodom ghimeu nomu aphughi tipau nguno puqhe kulupu shi nani.

Luke 23:46

Jisü no asütsa kuloghi lono pi, “I puo, O u lo I ghungu kulhuqhive tsüae!” Tishino pa tuthu kishekhave.

John 17:15

Ni ye O vilo ayeghiqha lono panoqo ikhiphe luve tsülo piamoe, ikemu alhoksau launo Nono panoqo khe tsülo piani.

John 6:44

I Pu I puwu keu no sünhe saghimo keloye khumu I lau ighimlae. Eno ashekha tsala lo I no pa xüputhu nani.

Apostolmi 13:46

Paul ngo Barnabas pama no amlo kumtoshi pi, “Alhou tsa ye nongu vilo paghi pi masa kepu shiae. Ikemu nongu no ti ye kileve no nongu ampi ye lhokta küxü ithulu küzüpu kumovae pi xathave akeke ningu ye Jewkumomi lau wuniae.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Apostolmi 21:13

Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

Apostolmi 7:59

Panongu no atu pesü Stephen veqhi akelo, Stephen no pi, “Ampeu, I ghungu ikhilu tsülo.”

Apostolmi 9:16

Pa ye I je ghenguno khijehi ime masa keno I no pa piye nani.”

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

1 Kor. 3:13

pütüta kümla pephe piye nani, kughengu Atsala huno aküvü lo pephe nani, eno milakhikhi no kiutoi keu kümla mla püaghini keno ami no pitiju nani.

FILIPIAMI 1:20

kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

FILIPIAMI 3:21

thokha kümtsü Pa qholo süghi lupe keu küka pesü pa no ni phimpi pesü pa juküvü phimpi toi kilive tsü nani.

FILIPIAMI 3:8

Kuchou loye I Mpeu Khristo Jisü ithive keu meküapu no thokha shoqa luve keu lono ni ye kütau thime ye qhoi avehu küha kepi kihivae. Pa je ghenguno ni ye thime kümtsü phevae, eno tipaqo ye tübatüzü shivae, tishianguno Khristo pesü I la shilu

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

1 Thes. 5:4

Ikemu athiküzümiqo, nongu ye aküzü lo amoe, ikehu atsala huno küpkami toi nongu kichiqhi pekepu kumoe.

1 Tim. 6:20

O Timothy, o pelo jukuto peniye tsüpüa keu, khekuto lo. Alhou sümokeu tsapi eno kumomu “akighithi” ipi no kighekile chekeu launo putosülo.

2 Tim. 1:14

Aghungu Kimthe ni lolo akeu vecheo, agho kivi o pichebe püakeu jukutolo.

2 Tim. 1:16

Ampeu no Onesiphorus kibolomi shou küpükini tsü peniu, kughengu ghuthu kutomo lo pa no I ghüthi püxütsü eno I no akughu yikichhe lo akeu jupe kujomzave moe;

2 Tim. 1:18

Tipa tsala lo pa pelo Ampeu launo küpükini ithulu peniu! Pa no Ephesus lo akümla kivi thokha shi keqo nono akivishi ithi ani.

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 2:18

Kughengu ghukuju lo pa ampi no imejuve akehu pa ye khunoqo no ghukuju sholu ani keno kuphulu nani ke.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

1 Peter 4:16

Tishi namu, khuana no Khristomi lakhike ghenguno ime aghi aye, pa ye kujomza kevilo, ikemu tipau jelono Alhou shikimthi lo.

1 Peter 4:19

Tighenguno, khunono Alhou pulou kiqi lono ime cheni keno pano ngulho pesü pükhübekulupu Lhoküsüu lau kulhuqhive tsü ghi akivi mlalo.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,