2 Tim. 1:1 - Sumi Naga CL (Re-edited) Bible (BSI)

¹ Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,

BAIBEL (BSI)

¹ Khristo Jisu gholo xukimepe akeu lono akuxupu ghili piqhipuakeu pikulhape nike Alhou pulou lono Paul pelo Khristo Jisu wu apostolmi lakhi shilupe.

Sümi Tiqhelimi Bible

¹ Yèsü hipau ye ni Paul, khuu Alhou pulou lono Khristo Jisü’w apostolmi lakhi shilu eno Khristo Jisü lolo aküxü akeu pikiqhi kiqi lono asheshu penike kishelu keno pa no yè ani.

2 Tim. 1:1 Iomraidhean Croise

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

John 6:54

Khunono I shi chuni eno I ji shoni keno lhokta küxü ani eno ashekha tsalani I no pa xüputhu nani.

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

1 Kor. 1:1

Paul, Alhou pulou vecheo Jisü Khristow Apostol shi penike kulu keu, eno ni thiküzüu Sosthenes nikujo no,

2 Kor. 1:1

Paul, Alhou pulou vecheo Khristo Jisüw apostol, eno ningu thiküzüu Timothy nikujo no, Corinth lo Alhou kukuhou eno Achaia qhalo küpülümi kümtsü lau yelu ani:

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

Galatiami 3:26

kughengu aküpülü vecheo Khristo Jisü gholono nongu kümtsü Alhou nuli ake.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

1 Tim. 6:19

Hitoi shikeu lono pano sala akini pekütsüpe hithiu ghenguno aboqha shimasae, tishikeu lono panongu ye kuchou küxü tsüqülu nani.

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

2 Tim. 1:13

Khristo Jisü gholo aküpülü eno kikimiye akeu vecheo, nono I launo chilu püakeu kuchou tsaqo papelo.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

2 Tim. 2:3

Khristo Jisü ghüshimi kivi toi aghime lo asaje lulo.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

Titus 1:4

Aqü küpülü kiqi lono I nu kuchou shi chekeu Titus lau: Apu Alhou eno ni Xakuluu Jisü Khristow küpükini eno aloino keu tsü ani.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

1 John 2:25

Eno hi ye Khristo no ningu lau piqhikeu shoqhi—lhokta küxü huke.