2 Thes. 2:3 - Sumi Naga CL (Re-edited) Bible (BSI)

³ Kiu gholau nomu khuana pelo nongu pishiqhipe kevilo. Kughengu kütsakungo nu, ayezah heküxau eno hekibideu paghi ighi moke kutolo Ampeu tsala ighimo nani,

BAIBEL (BSI)

³ Timi khuu pelomu kiu lalo nomu nongu pishiqhive pekevilo; kughengu Alhou hekibide ashekhau shimphi loye eno Alhoksau Timi hu, kutsaqhive nike kutope puakehu ipeghi mphi loye tipa Tsala ighimo nani.

Sümi Tiqhelimi Bible

³ Khuu pelomu kiu laghi lonomu nongu pishiqhive pe kevilo, kughengu hekibide ipeghimo ke kutólo eno aye kümthau, khuu ashekha tsalà lo kütsakungove nani keno, pa pephe-piyemo ke kutólo Ampeu tsalà ye ighimo nani.

2 Thes. 2:3 Iomraidhean Croise

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

DANIEL 8:25

Pa mqükini vecheo pa no pishikiqhi pesü pa u qholono kinikülü shipe nani, eno pa kükümsü lono pa ye kije shinani. Pa no ghutu mono kutomo kütsa nani. Eno kükapumi shou Kükapuu lau ghi pa no mjochile ithughi nani, pa ye kuboleve nani—ikemu timi u lono kumo nani.

John 17:12

I no panoqo gholo akelo ni ye O je lono Nono I tsükeqo khekuto cheke. I no panoqo süsho che, eno Kuchoyesü shikupu niye kütsakungo nu no kumo aye panoqo gholo lakhimu pühamoe.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

1 John 2:18

Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

1 John 4:3

ikemu Jisü je shuphemo keu ghungu ye Alhou launo kumoe. Hi ye khikhi ighini chenie pi nongu no chiluche püzü itehi ayeghiqha lo ighive akeno, kichileu Khristo ghungu huke.

Piyeküsü 17:11

Tüghashi xüache no kühave keu no akütacheu kemu pa ye kükami tsüni laumi eno kütsaveni keu lo ani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.