2 Thes. 1:3 - Sumi Naga CL (Re-edited) Bible (BSI)

³ Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

BAIBEL (BSI)

³ Athikuzumiqo, ninguye nongu ghenguno pulhapuju Alhou shikimthi aniputsake! Ninguno titoi shikeuye achipike, kughengu nongu kupuluye ihulokeu shi thuwulu ani eno nongu lakhino lakhi kimiyekile keulo thuwu anike.

Sümi Tiqhelimi Bible

³ Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

2 Thes. 1:3 Iomraidhean Croise

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

LESHELE 84:7

Panongu no alau-alau akumto shikithe wuve, milakhikhi no Zion lo Alhou zülo ighie.

LESHELE 92:13

Panongu ye Ampeu kilo asübo shosü püake toi nani panongu ye ni Lhou chineki lo ikoishe nani.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

Luke 17:5

Apostolmi no Ampeu vilo pi, “Ni küpülü pekho tsülo!”

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

Rommi 1:8

Atüghüshi, nongu kümtsü ghenguno I no Jisü Khristo vecheo I Pu Alhou shikimthi ani, kughengu ayeghiqha kümtsü lo nongu küpülü ghili kügha anike.

1 Kor. 1:4

Jisü Khristo vecheo Alhouw küpükini nongu tsükeu ghenguno, ni ye alhokuthu Alhou shikimthi acheni,

2 Kor. 10:15

Ningu ye aqü kiyeve ghi kütami no ichheime mla püakeu lo qheza chemoe. Ikemu nongu küpülü no thuwu keu gholono nino nongu gholo mla kepu lughi ghi shishe pekholu peni keu no niw lajupu ke,

Ephesiami 5:20

Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

FILIPIAMI 1:9

I no ishi inikhu cheni: nonguw kikimiye ye alaushi akighithi ngo kiviküsa kimchikulu gholono ikowolu peni;

1 Thes. 3:12

eno Ampeu no nongu lau niw kikimiye ikowo eno qochili lupe ketoi, nonguw kikimiye ghi lakhi no lakhi lau tishilu peni,

1 Thes. 3:6

Ikemu itehi Timothy no nongu küpülü eno kikimiye sütsa kivi pesü ni lau ideighi no nongu ye alhokuthu ningu kimiyeqhiyi kümsü acheni, eno nino nongu ithuluni shi aketoi nongu ghi ningu ithuluni shi anie pi ni vilo pike.

1 Thes. 3:9

Nongu ghenguno nino ni Lhou zülo shishe alokivi shilu keu lo ningu ye kishi Alhou shikimthi tsüni kea?

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

2 Thes. 2:1

Ni Mpeu Jisü Khristo ikighi eno ningu no Pa gholo kumqoni keu vehulo nino nongu qhüiniju ani athiküzümiqo,

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

2 Peter 1:13

I ghengu ye I no xüake tivilo nongu ghutu ghi xukutho puthuni keu ye achipi ke,

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.