2 Peter 3:18 - Sumi Naga CL (Re-edited) Bible (BSI)

¹⁸ Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

BAIBEL (BSI)

¹⁸ Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

Sümi Tiqhelimi Bible

¹⁸ Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

2 Peter 3:18 Iomraidhean Croise

LESHELE 92:12

Amikuchomi ye amsabo toi ikoishe cheni eno Lebanon lo cedarbo lakhi toi thuwu cheni.

HOSIYA 14:5

Ni ye Israel lau atsüzü toi nani; pa ye lapu toi puipeghi nani; pa ye Lebanon süboqo toi akuhu qüilo nani;

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 5:23

tishianguno Apu gihu ketoi kümtsü no Anu gihu peniye ke. Khunono Anu gihu moni keno, pa puwu keu Apu hu gihu movae.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 4:15

Tishinike züqhu, kikimiye lono kuchou tsape pesü ningu ye ala kümtsü lono thuiku Khristo, khuu akütsü keno, Pa lau eno Pa lolo xüsülu masae.

FILIPIAMI 3:8

Kuchou loye I Mpeu Khristo Jisü ithive keu meküapu no thokha shoqa luve keu lono ni ye kütau thime ye qhoi avehu küha kepi kihivae. Pa je ghenguno ni ye thime kümtsü phevae, eno tipaqo ye tübatüzü shivae, tishianguno Khristo pesü I la shilu

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 3:10

eno alhoaye kithe pepu luvae, ti ye Lhoküsüu no Pa ithitoilu penike Pa kimihi shitsü acheni.

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

2 Peter 1:11

Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

2 Peter 1:2

Alhou eno ni Mpeu Jisü ithikuthulu keu vecheo nongu lau küpükini eno aloino keu küghüsülu apeniu.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

2 Peter 1:8

Kughengu ameküapu hipaqo pesü nonguw shilu no kighishelu aye, nongu ye ni Mpeu Jisü Khristo kighithi lo khilemu qeinai eno amekühave monani.

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.