2 Peter 3:10 - Sumi Naga CL (Re-edited) Bible (BSI)

¹⁰ Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

BAIBEL (BSI)

¹⁰ Ikemu Ampeu Tsalaye kupukami lakhi toi ighi nani. Tipa tsalalo atsutsuye asutsa kuloghishi ighano hauve nani. Atsutsulo akeqoye pitipuhave nani eno ayeghi ngo tile akeu jeli kumtsu piti puhave nani.

Sümi Tiqhelimi Bible

¹⁰ Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.

2 Peter 3:10 Iomraidhean Croise

LESHELE 102:26

Tipaqo ye hauve nani, ikemu No ye ache nani; tipaqo ye aphimini toi aqa shive nani. Nono tipaqo aphimini toi kilive nani, eno panoqo ye hauve nani.

LESHELE 46:6

Shiyeqo no aloghu ide ani, kükaqhaqo ikiqivae; Pa no Pa sütsa sheshu, ayeghi no mlaghubeive.

LESHELE 97:5

Ampeu zülo naghutoqo eno ayeghi kümtsü no aghügha toi ijileve.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 24:19

Ayeghi ye qhoi kubopinyivae, ti ye axe-ala kütüta shi sülave no shishe sükuchoqhi anie.

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

ISAIAH 51:6

Atsütsü küdau jupukulo, eno ayeghi qhou jupiqilo; kughengu atsütsü no amchhi toi hailove; ayeghi no aphimini toi ixüthave nani, eno tile küghüna akemi no tipaphi lono thive nani; ikemu Iw xakulupu ye alholo ache nani, eno Iw achipiu-mikucho ye khilemu hauvemo nani.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

JOYIL 2:1

Zion lo afuko küighalo; I kimthe toghi lo kütüghülo! Aghakhu lo küami kümtsü no khokhoshi pelo, kughengu Ampeu tsala chenie, ti ye kupunuvae,

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

JOYIL 3:14

Aqokitikhi, aqokitikhi no küghakütha khila lo anie! Kughengu küghakütha khila lo Ampeu tsala ye kupunuvae.

AMUS 9:13

“Julo, atsala hu ye chenie,” ipi Ampeu no sheshu, “alu hokikidemi no ghile kuhumi vecheve nani eno atsaithi qole kemi no axüthi sükemi haluve nani; Naghutoqo no akungo ji kighiji eno atoghi lono ti qowu nani.

AMUS 9:5

Ampeu, aqokitikhi Lhou, Pa no ayeghi bukelo pitikümlave cheni eno tile akemi kümtsü no mloqa cheni, panoqo no Nile züghi toi ikughi eno itaghi Egypt lo Nile züghi toi iqüilove cheni;

MICAH 1:4

Ami lono aghügha kümlave keshi naghutoqo no Pa zülo mlaghubeive nani, kunguu no azü peleqhi akeshi akhilaqo no iko ipeghive nani.

NAHUM 1:5

Naghutoqo no Pa zü lo itha; atoghiqo no ayitsü shivae; ayeghi eno tile xüküami kümtsü khokhoshi Pa zü lo ipeghi.

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

Mark 13:31

Atsütsü eno ayeghi ye hauve nani, ikemu I tsa ye hauvemo nani.

Luke 12:39

Ikemu hi ithilo, aki mpeu no küpkami ye kiu tüqhüdo lono ighi nani keno ithike aye, pa ye pa ki hepho ilo xüvetsü pemoni cheke.

Rommi 8:20

Kughengu pulhosü püakeqo ye pütüta kupulo lono kumo püzü Pulhoküsüu kimji lono ame kühave keu shi kihive tsü, ti ye lajupu hipau akeu lono ke:

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

1 Kor. 5:5

nongu ye timi hipau phiashi kütsave penike ikhiphepe Satan tsüvelo, tishianguno Ampeu tsala lo pa ghungu xalutsü penie.

2 Kor. 1:14

nongu no ningu vetha khamla no aphi kemu—Ampeu Jisü Tsala lo, nino nongu jupe akijivile ketoi nongu no ni jupe akijivile nani.

1 Thes. 5:2

Kughengu Ampeu tsala ye putho lo küpkami lakhi toi ighini keu nongu ampi no tsaqüi ithi ani.

1 Thes. 5:4

Ikemu athiküzümiqo, nongu ye aküzü lo amoe, ikehu atsala huno küpkami toi nongu kichiqhi pekepu kumoe.

2 Peter 3:11

Thokha kümtsü hitoi pühaveni keu shiani aye, nongu ye kiu toi akimthe eno Alhou ithitoi shimasa keno ithilo,

2 Peter 3:12

Alhou Tsala khe akelo eno mtazü ighive penishi akelo, nongu ye Pa zülo mqhamqhiyi eno tukutiye kühano xümasae, kughengu tipa tsala lo atsütsü ye pitive nani eno tile akeqo ye ami no piti kümlave nani!

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

Jude 1:6

Eno kungumi khunono pano kungo-a kuchou qhive no kükagha peitha move keno, küghakütha tsala kije ighi moke kutolo, Pa no aküzü kutho lo lhokta yikichhe pesü tipaqo tshüpe qhivae.

Piyeküsü 16:15

(“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 21:1

Tileno I no atsütsü eno ayeghi kithe ithulu, kughengu atsütsü eno ayeghi atüghüu, eno azüghi ye kühave ke.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

Piyeküsü 6:14

Atsütsü no kaku liküzü akeshi hauve, naghuto ngo züdoyeghi kümtsü pütüta-a lono kiqeve tsü.