2 Peter 2:3 - Sumi Naga CL (Re-edited) Bible (BSI)

³ Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

BAIBEL (BSI)

³ Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

Sümi Tiqhelimi Bible

³ Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

2 Peter 2:3 Iomraidhean Croise

JOB 6:27

Nongu ye mighimi ghi luveni ye asaqhi cheni kehu, eno shompami jechuve chenie.

LESHELE 18:44

Panongu no I sütsa chilu khavi I gholue; inaghami no I lau ipu-itsa ighi.

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

LESHELE 81:15

Ampeu mithi chekemi no Pa zülo ipu-itsaqi nani, eno panongu ye alhokuthu aghimeshi nani.

ISAIAH 5:19

khunono “Nino Ampeu kümla chhejuni ke Pa pelo mtazü mlaju pelo; nino ithini ke Israelmiw Akimtheu kimji süghiju lo!” ipi cheni keno ahasapue.

ISAIAH 56:11

Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

ISAIAH 60:22

Nongu gholo kihi kelo aghuloshi aghikeu no alimi shive nani, eno kümtsü gholo aghulou no shiye kumto shive nani; Ni ye Ampeu ke; eno ado achipi lono I no ti shikupu nani.

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

HABAKUK 3:3

Alhou ye Teman küdau no ighi, Akimtheu ye Paran Toghi lono ighie. Pa juküvü no atsütsü nhakha, Pa shekiqhe no ayeghi chhitoi.

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

MATTHEW 23:14

Nongu Ayezah shikükami ngo Phariseemi hasapue, keghilishi chekeqo! Nongu no chimemi kilo pükawu cheni, eno akighini kushuo shipe piye cheni. Ikehu nongu ye alau aghime ithulu nani.

Luke 18:8

I no nongu vilo piani, Pa ye ke-i xakütha shipe panongu tsü nani. Tishimu, Timi Nu no ighi kelo, pa ye ayeghi lo küpülümi phulu nani ma?”

Luke 20:20

Ikehu panongu no tsaqüi pa jukuto akelo timi khami pelo amlo tsüqhiyi kemi toi pa tsa ini penike puwu, tishianguno pa no kiuala pikeu lono pa mepe angh qholo yepemi tsüve niye ke.

Luke 22:47

Pa no atsa pi aphi lono aqokitikhi ighive, eno Judas ipikeu, chighikini gholo lakhi, huno panongu sasü cheghi. Pa no Jisü mümani ye pa kupunu ighi,

John 2:16

Pa no amiqhi je akeqo vilo pi, “Hi kümtsü pewuve lo, I Pu ki pesü kilhikishi ki kughulho kevilo.”

Rommi 16:18

Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

1 Thes. 2:5

Nongu no ithi anike ningu ye khilemu alatsa pisü ighimoe, momu alakimne no küzü pusü ighimoe—Alhou no thopike.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

1 Tim. 3:8

Tihutoi deaconmi ye mtsümishei kemi shimasa, amili shoba moni, aji shomoni; momu alakimnemi shimoni.

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

2 Peter 1:16

Kughengu kughou nino ni Mpeu Jisü Khristo küka eno Pa ikighi ghili nongu lau kilethitsü keno, ningu ye mqümgha shi iqüphe keu küghakiche tsa papemoe, ikemu ningu ye Pa kükanguagha thopimi ke.

2 Peter 2:1

Ikemu timiqo gholo kichile tungkupmi ghi ipeghi ketoi nongu gholo kichile kükütsümi ighi nani. Panongu no tuqhou no shiküpsapu kichile kükütsü süghi nani, eno Khuu no panoqo qhüchilelu keno pano Mpeu ghi milive nani, tishianguno pano shou shiküpsapu ke-i süghi nani.

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

Jude 1:15

eno Alhou kümthami no Alhou sümo keu kümla shi püakeu kümtsü shou küghathabe nani, Alhou kümthami axinemi no Alhou shou alhoksa tsa pipuku keu kümtsü pesü panoqo shou küghatha puku nani.”

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.