2 Peter 2:21 - Sumi Naga CL (Re-edited) Bible (BSI)

²¹ Timi hipaqo no amikucho laghi ithive püzü akimthe zakütsü panoqo tsükeu launo idewove keu ye inahuu no amikucho laghi ithi move keu pavini cheke.

BAIBEL (BSI)

²¹ Timi hipaqo pelo amikucho laghi ithiveno akimthe zahkutsu panoqo tsukeu launo panonguno idewoveaye panongu ghenguno amikucho laghi ithipemo keu pavi nicheke.

Sümi Tiqhelimi Bible

²¹ Panongu ghengu ye achipiumikucho laghi ithive no panongu zübo pe panongu lau kiye ighi keu akimthe zakütsü tsü nike züqhulo panongu ye achipiumikucho laghi mtha keu pavini cheke.

2 Peter 2:21 Iomraidhean Croise

LESHELE 125:5

Ikemu khunono chighichilai keu laghi lo wuveni keno Ampeu no kixikilami gholo haphe puwuve cheni! Israel shou aloino keu apelo!

LESHELE 85:8

Ampeu Alhou no kiu piani keno I pelo chilu pelo, kughengu Pa no Paw akimthemi lau aloino keu tsa pi nani; ikemu pano pelo mbomzü lo ilovepe kevilo.

AHOLE 12:28

Amikuchomi laghi ye aküxüpue, eno tipau la loye akithipu kühae.

AHOLE 16:31

Asa kümpa ye ajuküvüpu kütsükuqho ke, amikucho küxü no ti qelu cheni.

EZEKEL 18:24

Ikemu kughou amikuchomi no pa chipiu mikucho lono tsüghüsü idewove no kuchou xakütha shimo eno kixikilami no shiche keu paphi shi aphikümqhüpu shini keno, pa ye xülu nani keshea? Pa no amikucho kümla shi keqo kiumu kümsülu tsümo nani; pa no pishikiqhi kiu shi keno tipau kipimi xapu akeu eno axine shive keu ghenguno pa ye thinani.

EZEKEL 23:13

I no li ye kitiqeve keu ithulu; pama gha alaghi aphiphi lo pülake.

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

EZEKEL 33:13

I no amikuchou vilo pa ye mtsüqheino xülu nanie pi püaghi namu, pa no pa chipiu mikucho lo pükhübe no athiu ye achipikumo shive aye, pa mikucho kümla ye kiumu kümsülu tsümo nani, ikemu pa chipikumo ghenguno pa ye thive nani.

ZEFANIA 1:6

Ampeu papeche no athiu idewove kemi, Ampeu phumo momu Pa küsütsamo kemi kütsave nani.”

MATTHEW 21:32

Kughengu Baptiz kishiu John no nongu lau ighi no amikucho laghi piye kemu nongu no pa pülümoe; ikemu asüqha küqhami eno kütüqhalimi no pa pülüe. Nongu no ti ithuluve kethiu ghi no mlo kili no pa pülü moke.

Luke 12:47

Aqeu khuu no pa mpeu pulou ithi akemu kutope khemove momu pa pulou kiqi lono mlaitha move keno, pa ghi hethapinyi ghime nani.

John 15:22

I no ighimo no panoqo vilo pimo keaye, panongu ye axine shikeu lo küqü moni cheke, ikemu itehi ye panongu xine ghenguno ajeku kiumu kühavae.

John 9:41

Jisü no khochile, “Nongu no anhethi icheke aye nongu ye akipimi kühani cheke, ikemu itehi nongu no ‘Ningu ye ithulu ani,’ ipi anike ghenguno nongu kipimi ye aniae.”

Rommi 7:12

Ikehu, Ayezah eno azakütsü ye akimthe, achipi eno akivie.

Galatiami 6:2

Lakhino lakhi makho putsü kilelo, tishikeu lono Khristo yezah shikupu tsülo.

1 Thes. 4:2

Kughengu Ampeu Jisü vecheo nino nongu kütsü shikave keu nongu no ithi ani.

1 Tim. 6:14

ni Mpeu Jisü Khristo ipeghi ke tsala kutolo, ayezah tukutiye shimono eno nguku kepu qhimono papelo.

IBRIMI 10:26

Kughengu kuchou kighithi ithuluve no ningu no püthapütsano axine shiauve aye, axine ghenguno aghashi keu ye kiumu kühavae,

James 4:17

Ikehu khukhumu achipiu shimasa keu ithi apülaghi shimove aye pa ghenguno axine ke.

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.