2 Peter 2:18 - Sumi Naga CL (Re-edited) Bible (BSI)

¹⁸ Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

BAIBEL (BSI)

¹⁸ Panonguno mbomzushi aqhekuza tsa pi acheni, eno ngosukumla launo alhoksami gholono pokaipeche keno tipaqohu musu sailove cheni.

Sümi Tiqhelimi Bible

¹⁸ Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

2 Peter 2:18 Iomraidhean Croise

KUKAMI ATUGHIU 13:19

Ikehu Alhou timi huno pa sasü idewo pa kilo chushove.

EZEKEL 35:13

Nongu kichi pesü nongu no I lachile ghi nongu sheqhe, eno I lachile ghi nongu tsa küghüsü ke; I no chiluvae.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

Apostolmi 2:40

Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

Apostolmi 8:9

Timi lakhi Simon ipikeu tipa phughi lo küdüu shiche eno timiqo shithüghüi no pa ampi pesü kije kepi piche.

Rommi 13:13

Ningu aküvü lo kichemi toi tsaqütsalei checheni thono ashi ghapiqi ghi shomzü moni, shupu-salha eno ghaghu-ghale shimoni, momu mtomshu eno anheshu moni nolo.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

James 5:5

Nongu ye ayeghi lo nibonilei eno aghakiqipu shi xüvae. Ghiqhini keu tsala ghenguno nongu ye atha pubeyivae.

2 Peter 1:4

tipau vecheo Pa no Paw akughupu eno pikiqhitsa kije pesü ningu tsüvae, tishianguno tipaqo pesü nongu no ayeghiqha hipau lo pitipüza keu xine jeli ghenguno shiküpsa achekeu launo poluve peniye ke.

2 Peter 2:14

Panongu ye asalha nhethi xapu ghasümla mithe axine shinishi cheni. Panongu no timi tsaqütsaleimo kemi züluve cheni. Panongu ye alakimne lono qopheve keu mlo xapu ani, Ghushove keu ti-anuliqo!

2 Peter 2:2

Kutomo no ashi lo pitipüza keu pape wuve no tipaqo ghenguno kütami no kuchou laghi pipütha nani.

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

2 Peter 2:7

eno tsala Pa no kixikilamiw pitipüza keu kümla lono amikuchou Lot xaphelu püaghi aye

2 Peter 3:17

Ikehu kimiye chekeqo, tishi mphi lono nongu ye hi ithi no kutokupui luvelo, tishianguno nongu ye ayezah heküxami kipimi gholono müsü sawuve no nongu kumto-a lono ikiqive pemo niye ke.

Jude 1:13

azüghi zü fukukucho no pano kukujopu fukighide aketoi; itsükiche yepuqo toi, pano ghenguno aküzü kutho lo alhokupuju ghenguno a-a kutope qhipüani.

Piyeküsü 13:11

Tileno ambeti toi akibo kini eno dragon toi atsa pikeu tüghashi kütau ayeghi lono ipe cheghi keu I no ithulu.