2 Peter 2:12 - Sumi Naga CL (Re-edited) Bible (BSI)

¹² Ikemu timi hipaqo ye akükümsü küha keu tüghashiqo paphishi sü-i khavi kiukiu mu shive chekeqo, küghape pithiveni keu kimji lono püxü püani, eno kiumu mthamithe keu vehu lo ghi pano no thaigha cheni kehu hi kümtsü pesü kütsave nani,

BAIBEL (BSI)

¹² Panonguye atsa pikumla tughashi pithive niye kughape puake toi vethamlano timi shou ghi ngushongko kumla shi cheni. Kiukiumu panonguno ithi kututa shimla keuye panonguno ghekucho cheni. Tughashi toi panongu ghi kutsakungove nani,

Sümi Tiqhelimi Bible

¹² Ikemu kichileu kükütsümi hipaqo ye panongu no vethamla keu vehuqo pipütha cheni. Panongu ye kiqiju chemo keu lhoxüqo toi ke, panongu ye akutoshikighithi lhoxüqo toi ke, lhoxü tipaqo ye küghaluve no ghiqhive nikeu ghenguno lhosü ke, eno lhoxüqo toi panongu ghí pühave nani.

2 Peter 2:12 Iomraidhean Croise

LESHELE 49:10

Kughengu pa no ithulu anike alokütsümi ghi thive cheni; mbomzümi eno anikhami ghi aphiphi shi pühave cheni eno pano küakini ye kütami lau qhivetsü cheni.

LESHELE 92:6

Küghüzümi ye ithilu chemoe; mbomzümi ye hipau vethaluni chemoe:

LESHELE 94:8

Vethalu lo, O aghüzü anikhami! Mbomzümiqo, kughono nongu ye alotsü luni kea?

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

JEREMIYA 10:21

Ambekhemi no Ampeu vilo küsütsaju moke anikhae tigheno panongu ye ikoishe moe, pano mbeloji kümtsü apanaghavae.

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

JEREMIYA 12:3

Ikemu O Ampeu, Nono ni ithi ani; ni ithulu eno I mlo peju cheni. Ambe ghiqhi niye aketoi panoqo sünhephe luvelo, eno ghikiqhi tsala ghenguno ikhithape qhivelo.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

JEREMIYA 5:4

Ikehu I no pi, “Panongu ye kumlhomi; akükümsü kühae; kughengu panongu ye Ampeu pano Lhou achipiu laghi mthae.

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

Mark 7:22

alakimne, kixikila, pishikiqhi, ashi ghakiqipu, anhekushu, küthakügha, aqheküza, eno mbomzü.

John 8:21

Pa no itaghi panoqo vilo pi, “Ni ye wuve nani eno nongu no I phuju nani, eno nongu ye no xine lono thive nani. I no khila wucheni keno nongu ye ighimlae.”

Galatiami 6:8

Khuu no ashi gholau no xusüni keno, ashi lono shiküpsapu xolu nani, ikemu khuu no Aghungu lono xusüni keno Aghungu launo lhokta küxü xolu nani.

Kolosiami 2:22

(Thime hi kümtsü peithave aye pühaveni keu)—hipaqo ye timi yezah eno shikükaqo ke.

2 Peter 1:4

tipau vecheo Pa no Paw akughupu eno pikiqhitsa kije pesü ningu tsüvae, tishianguno tipaqo pesü nongu no ayeghiqha hipau lo pitipüza keu xine jeli ghenguno shiküpsa achekeu launo poluve peniye ke.

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.

Jude 1:10

Ikemu timi hipaqo ye panongu no vethamla keu thaqhü ye thaigha cheni, eno akükümsü küküha lhoxüqo toi panongu no kiu vethalu cheni keno tino panongu kütsaküngove cheni.