2 Peter 2:10 - Sumi Naga CL (Re-edited) Bible (BSI)

¹⁰ eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

BAIBEL (BSI)

¹⁰ eno tiye akhotoshi khunono pano shiajilo mithekumo ngosukumla lhoksapu shi cheni eno Alhou no ayehkipe tsukeu mithichekemi shou anani. Kichile kukutsumiqoye tsatsayi agho agho shi cheni eno akimthe jukuvu pepukemi pipusa nikeulo musaighu keu kuhae.

Sümi Tiqhelimi Bible

¹⁰ Hiye akhotoshi khunoqo no ashi lo shikuchubeve keu shinishiqhiyi eno thaigha keu kükagha pape cheni keno panongu ghenguno ke. Panongu ye amlo kumto eno akuchhoma ke, panongu ye kungugha lo küamiqo shou pipütha puku nikeu lo msà chemoe;

2 Peter 2:10 Iomraidhean Croise

BOTHUBO 49:6

I ngulho ye pama hoho lo kuloji moe; O I juküvü, pano loji lo küqha kevilo. Kughengu panongu no amlo kighide lono timiqo pithike, eno ithipüqai amshitsü püka love tsüe.

SAMUEL AKINIU 20:1

Tipa ghuloki lo ameküküha timi lakhi ache, pa je ye Sheba, Bikhri nu, Benjaminmi. Pa no afuko küigha no pi, “Ningu ye David gholo asaje kühae, eno Jesse nu gholo amheghi kühae; kümtsü no aki lo wovelo, O Israel!”

KUKAMI ATUGHIU 12:16

Kughou akükau no Israelmi kümtsü tsa initsü move keu ithive keno, panongu no pa khochile, “David launo ni saje kiu ani kea? Ningu ye Jesse nu launo amheghi kiumu kühae. O Israel, pütüta pusho lo wovelo! David, o lagha julo.” Ikehu Israelmi no pütüta pusho lo wove.

LESHELE 12:4

“Ningu mili vecheo nino toluve nani, ni kichi no ni gholo ani; ni shou ampeu ye khuu kea?”

IPEKULU 22:28

“No ye Alhou thaigha moni, momu now timi sakiphemi ghusho moni.

YETSAPIU 10:20

O kükümsü lonomu akükau ghusho kevilo, momu o chebo lonomu kinimi ghusho kevilo, kughengu aghau ngo achishibo kupu lhoxü no o tsa pesü pive tsü nani.

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

AKIKIHI 15:30

Ikemu khuu no püthapütsano axine shiveni keno Israelmi na inaghami namu, pa ye Ampeu hebidevae, tighenguno timi tipau ye aqo gholono kileve lo.

Luke 11:25

Pa no ighi kelo aki huye khuve no kithikiyi aghi.

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

Apostolmi 23:5

Paul no pi, “Athiküzümiqo, pa ye achinetou kepi ni ye mthae, kughengu ishi yepüani, ‘Timiqo shou yepemi vilo alhoksa tsa pimoni.’”

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

2 Kor. 10:3

Ningu ye ashi lono xüaghi namu ashi gholau no aghüshi chemoe.

Ephesiami 4:19

Panongu ye kümsükulu kühave no kujomo mithe pano phimpi pesü ashi ghakiqipu lo tsüvae, eno mithekumo shinike aghükha shi cheni.

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

1 Thes. 4:7

Kughengu Alhou ye mithemo peniye ningu kuluke kumoe, ikemu akimthe shi peniye ke.

2 Tim. 3:2

Kughengu timiqo no ishi xüuve nani: alikhi ampi kimiye kemi, pisa kimnemi, aqheküza, akuchhomami, kütami thogha, apuaza hekibide, shikimthi kükühami, mithemo keu,

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

IBRIMI 13:4

Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

Jude 1:10

Ikemu timi hipaqo ye panongu no vethamla keu thaqhü ye thaigha cheni, eno akükümsü küküha lhoxüqo toi panongu no kiu vethalu cheni keno tino panongu kütsaküngove cheni.

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

Jude 1:18

Panongu no nongu vilo pi ke, “Ashekha tsala loye jukünatha kemi ipeghi no Alhou sümo keu ngosükümla lhoaye pape nani.”

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.