2 Peter 2:1 - Sumi Naga CL (Re-edited) Bible (BSI)

¹ Ikemu timiqo gholo kichile tungkupmi ghi ipeghi ketoi nongu gholo kichile kükütsümi ighi nani. Panongu no tuqhou no shiküpsapu kichile kükütsü süghi nani, eno Khuu no panoqo qhüchilelu keno pano Mpeu ghi milive nani, tishianguno pano shou shiküpsapu ke-i süghi nani.

BAIBEL (BSI)

¹ Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

Sümi Tiqhelimi Bible

¹ Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

2 Peter 2:1 Iomraidhean Croise

KUKAMI ATUGHIU 22:6

Israel kükau no tungkupmi 400 qhalo kukütsü no pi, “Ni ye Ramoth-gilead lewu kepu kema?” Panongu no pi, “Lewulo, kughengu Ampeu no tokulu akükau tsü nani.”

IPEKULU 15:16

O Ampeu, Ow timiqo no heche wumoke kutolo, Nono qhüluve keqo no kathasü wulu moke kutolo, akümsa ngo aküighüpu no panoqo shou ikughie; O u kumto ghenguno panongu ye atuqu toi inaqhoivae.

ISAIAH 9:15

layemi ngo ajuaje küami no akütsü, eno akimki tungkupmi no ashomhi;

JEREMIYA 29:21

‘Aqokitikhi MPEU, Israel Lhou no I je lono tungkuptsa pi akeu Kolaiah nu Ahab eno Maaseiah nu Zedekiah pama ghenguno ishi piani: Jualo, I no pama pesü Babylon kükau Nebuchadnezzar u lo süvetsü nani, eno pama ye nongu nhethe lono ghiqhive nani.

JEREMIYA 37:19

Ow tungkupmi khunoqo no o vilo, ‘Babylon kükau ye no eno ayeghi hipau leighi monani’ ipi tungkuptsa piche keno, tipaqo ye khilave akea?

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.

HOSIYA 9:8

Tungkupu ye I Lhou gholono Ephraim kheu huke; ikeghi pa laghi kümtsü lo ashihami lichhe ani eno akimthi no pa Lhou kilo ani.

MICAH 2:11

Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MICAH 3:5

Ampeu no tungkupmi ghenguno ishi pi, panoqo no Iw timi sabidevae, kughou chukepu thime ani keno, panoqo no “Aloino” ipi igha ikemu khuu no panoqo kichi lo kiumu sütsü moni keno pa shou aghükishi sheshue.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 10:33

ikemu khukhumu aqha zülono ni milive keu ye ni ghi I pu kungugha lo akeu zülono milive nani.

MATTHEW 24:11

Kichile tungkupmi kutomo ipeghi no timi kutomo saküghüzü nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 24:5

Kughengu kutomo no I je lono, ‘Niye Messiah ke,’ ipi ighi no timi kutomo saküghüzü nani.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Luke 12:9

Ikemu khuu no aqha zülono I miliveni keno, tipaphi shi Alhouw kungumi zülono pa milive nani.

Luke 21:8

Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

Luke 6:26

“Nongu khunono timi kümtsü no pipivi cheni keno ahasapue, kughengu timi tipaqo puasüqo ghi kichile tungkupmi lau titoi shiche ke.

Rommi 16:18

Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

1 Kor. 11:19

kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

1 Kor. 6:20

kughengu nongu ye ame no qhüluvae. Tighenguno nongu phimpi lono Alhou juküvüpu shilo.

1 Kor. 7:23

Nongu ye ame no qhüvae; tighenguno timi qüaxemi shikevilo.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Galatiami 4:17

Panongu ye akimji kivi kühano nongu züiza ani. Panongu ye nongu pesü ni launo kütüta shive tsünishi ani, tishikeu lono nongu pelo pano lau amlotsü peniye ke.

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

Kolosiami 2:18

Khunomu nongu kideqhive pekevilo, panongu no alikhi ampi milive no kungumi mlla, kungunhetsü ithukulu, eno akiqi küha keu ashi lo kimne kükümsü küdau hakite sawu cheni,

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

1 Tim. 5:8

Ikemu khuu no abolomi tucho moni keno, eno akhotoshi pa kibolomi tucho moni keno, pa ye aküpülü phevae eno pülümokemi nguno alhoksau ke.

2 Tim. 4:3

Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

Titus 3:10

Timi khuu no kijetha niye xukuthoni keno, ghuthu lakhi eno akiniu pa ghutu lo, tithiu ye kiu lomu pa akhoto shikevilo,

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

1 John 2:26

Khunono nongu pishiqhini ke pükapütsa ani keno ni ye panoqo ghili pesü nongu lau yelu ani.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

Jude 1:18

Panongu no nongu vilo pi ke, “Ashekha tsala loye jukünatha kemi ipeghi no Alhou sümo keu ngosükümla lhoaye pape nani.”

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

Piyeküsü 3:8

“‘I no o kümlaqo ithi ani. Julo, ahukikha khikhi timi khunomu khalu chemo keno, I no o zülo khaqhi püatsü ae. I no ithi anike no ye aküka kumto kitila likhi akeghi I milivemo no I tsape pelu cheni.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”