2 Peter 1:3 - Sumi Naga CL (Re-edited) Bible (BSI)

³ Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

BAIBEL (BSI)

³ Alhou no pa kimthe jukuvu eno akivipuno ningu kuluvekeulo paye khuu keno tipau ithikeu kighithi vechewo Alhou lau amlo tsuqhiyikepu kuxu xulupe nikeulo pa kuka kumtono thwokha jeli ningu tsupe puani.

Sümi Tiqhelimi Bible

³ Khuu no ajuküvü eno akivipu lo ningu kulù keno ningu no pa ithi aghí keu kighithi vechewo Alhou küká no ningu no alhou sümsa keu küxü xü nikeu ghenguno avehupu shi akeu kümtsü ningu tsüvae.

2 Peter 1:3 Iomraidhean Croise

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

AHOLE 12:4

Anipu kighiche ye akimi kütsü kuqhoke, ikemu li no akukujo süghi aye akimi ghi anhü kütsave tsüke paphie.

AHOLE 31:10

Khuu no anipu kighiche phulu nani kea? Li ye achiku nguno amekushou ke.

AHOLE 31:29

Pa no picheni, “Totimi kutomo no akighiche shi mlaitha cheni ikemu nono tipaqo kümtsü shoqalu chenie.”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

Rommi 9:24

eno ti ye ningu khunoqo Pa no kuluve akeno, Jewmi dolo likhi kumono Jewkumomiu ghi kümtsü kihisü ani.

1 Kor. 1:9

Alhou ye pükhükulupu, Pa vecheo nongu kusawo Pa nu, ni Mpeu Jisü Khristo gholo kuposhulu peke.

2 Kor. 12:9

Ikemu Pa no I vilo pi, “Iw küpükini ye o ghenguno lukümkhae, kughengu I küka ye miqemlei kelono kupukülailu cheni.” Tighenguno ni ye aloviqhiyi Iw miqemlei keu lo alau qhezani, tishianguno Khristo küka no I shou apeni.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 4:4

Alhou no lajupu lakhi lo nongu kulu ketoi, aphimpi lakhi eno Aghungu lakhi likhi ani—

FILIPIAMI 3:8

Kuchou loye I Mpeu Khristo Jisü ithive keu meküapu no thokha shoqa luve keu lono ni ye kütau thime ye qhoi avehu küha kepi kihivae. Pa je ghenguno ni ye thime kümtsü phevae, eno tipaqo ye tübatüzü shivae, tishianguno Khristo pesü I la shilu

FILIPIAMI 4:8

Ashekhashi athiküzümiqo, kiu no kuchou, kiu no gihuküzüpu, kiu no achipiu, kiu no tsüghükhüi, kiu no juviqhiyi, kiu no ashepe tsüküzü keno, akighiche eno sheqhe küzüpu aghi aye, thime tipaqo shou kümsü puku alo.

Kolosiami 1:16

Kughengu pa vecheo kungugha lo eno ayeghi shou, ithukulu eno ithukümla, kükalakhü, kükaqha, yepemi, kükagha kipemi—thokha kümtsü pa vecheo eno pa ghenguno lhoke.

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

1 Thes. 4:7

Kughengu Alhou ye mithemo peniye ningu kuluke kumoe, ikemu akimthe shi peniye ke.

2 Thes. 2:14

Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

1 Tim. 4:8

Aphimpi qokiphe lo ame hami acheni aye, Alhou lau amlo tsükeu ye ala kümtsü ame ani, kughengu tino hipa yeghi lo küxü eno ighini keu küxü ghengu ghi piqhi püatsü anie.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

1 Peter 1:15

ikemu Khuu no nongu kulu keno Pa no akimthe ketoi nongu süqesüli kümtsü lo nongu ghi akimthe shilo,

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

1 Peter 2:21

Kughengu nongu ye hipau lo kuluvae, Khristo ghi nongu ghenguno imeve kehu kichekipiye shi nongu lau qhi püatsü ae, tishianguno nongu no Pa nepa papelu peniye ke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

2 Peter 1:10

Tighenguno aküsamiqo, nongu kukulu eno kishekulu hu mtsüqhei lupe kepushi alau aghüthi küxü shilo, kughengu nongu no ameküapu hipaqo pepimhe aye nongu ye khilemu ikiqivemo nani.

2 Peter 1:2

Alhou eno ni Mpeu Jisü ithikuthulu keu vecheo nongu lau küpükini eno aloino keu küghüsülu apeniu.

2 Peter 1:5

Hi ghenguno, tolukivi thaqhü pükapütsa no nongu küpülü gholo xükipivi pesü veqabelo, eno xükipivi gholo akighithi pesü veqalo,

2 Peter 1:6

akighithi gholo alikhi aghasükulu pesü veqalo, eno alikhi aghasükulu gholo kushuo puqhekulu pesü veqalo, kushuo puqhekulu gholo Alhou ithitoi keu pesü veqalo,

2 Peter 1:8

Kughengu ameküapu hipaqo pesü nonguw shilu no kighishelu aye, nongu ye ni Mpeu Jisü Khristo kighithi lo khilemu qeinai eno amekühave monani.

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

RUTH 3:11

Itehi ye msa kevilo, ninga. Nono khukeu kümtsü I no o ghenguno shitsüni, kughengu ni ghami kümtsü no no ye ameküa totimi kepi ithi anie.