2 Peter 1:21 - Sumi Naga CL (Re-edited) Bible (BSI)

²¹ Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

BAIBEL (BSI)

²¹ kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.

Sümi Tiqhelimi Bible

²¹ Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.

2 Peter 1:21 Iomraidhean Croise

SAMUEL AKINIU 23:2

“Ampeu Ghungu no I vecheo pi; Pa tsa ye I mili lo anie.

KUKAMI ATUGHIU 13:1

Ampeu tsa vecheo Judah lono Alhou timi lakhi Bethel lo ighi. Jeroboam ye akümlla-khache lo akümllagho tsüniye puthugho ae.

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

KUKAMI ATUGHIU 17:24

Atopuu no Elijah vilo pi, “No ye Alhou timi kepi itehi ye I no ithivae, eno Ampeu tsa o kichi lo akeu ye kuchoue.”

KUKAMI AKINIU 4:22

Tishino li no li kimi ku püzü pi, “Aqemi lakhi pelo khurha sasü hilau ighi pelo, I no mtazü Alhou timi lau wuno ighini.”

KUKAMI AKINIU 4:7

Li no Alhou timi lau ighi no pi kelo pa no pi, “Wuno thazü jepe o piashe kümtsü lovelo, eno achili pesü o nu pama sasü ililai xülu nani.”

KUKAMI AKINIU 4:9

Li no li kimi vilo pi, “Hi julo, timi khuu alhokuthu ni katha acheni keno, pa ye Alhou timi kepi I no ithi ani.

KUKAMI AKINIU 6:10

Israel kükau no a-a khikhi Alhou timi no kichetsü keno ti kheluve pe. Titoi pa no akükau kütüghü che, ikehu akükau ye ghuthu lakhi kini pa ampi süsholue.

KUKAMI AKINIU 6:15

Thanau inaqhe Alhou timi qeu no ithu khalau ipeghi kelo ghüshimi no khurshi ngo khurkuluqo sasü mishighüna bope aghikeu ithulu. Pa no pi, “Aha, I mpeu! Ningu ye kishiveni kea?”

YEKIKITHI ATUGHIU 23:14

Ikemu Alhou timi Moses nuliqo ye Levi laghami gholo kihisüve.

YEKIKITHI AKINIU 8:14

Papu David khuaye kiqi lono pa no achinemi kümla kijeve tsü, Levimi ghi achinemi lau shekiqhe ngo hukuthu kümla atsala kiqi lono kijeve tsü, eno khagho khemi ghi khaghoqo lo kije puwuve kughengu Alhou timi David no tishi azah tsüve ke.

JEREMIYA 23:26

Khikutolo panongu mlo lo pishikiqhi lono akimki tungkuptsa pi anani kea?

EZEKEL 1:3

Chaldeami yeghi lo Khebar züla lono Ampeu tsa Buz nu achineu Ezekiel lau ighi, Ampeu u no pa shou ae.

MICAH 1:1

Jotham, Ahaz eno Hezekiah noqo no Judah lo kükami shiake ghuloki lo Moreshethmi Micah lau Samaria eno Jerusalem ghenguno Ampeu tsa ighi.

MICAH 3:7

tungkupmi ye kujove nani, eno pichhotsü chekemi ye akukujopu lo süve nani; Alhou launo khokichile kiumu küha kehu panongu kümtsü akichi kujukhave nani.

AKIKIHI 16:28

Moses no ishi pi, “Hipau lono nongu no ithi nanike Ampeu no hipaqo kümtsü shipeniye I puwuke eno I likhi I no kishelu keu lono hipaqo shi anike kumoe.

Mark 12:36

David ampi no Aghungu Kimthe vecheo ishi shuphe keghi, “‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

Luke 1:70

ti ye mulhou no Paw tungkupu kimthemi vecheo pike toi

Apostolmi 1:16

“Athiküzü chelimiqo, Judas no Jisü küghakulumi lapiyeu shive keu ye Aghungu Kimthe no azünatha David vecheo pi püakeu Kuchoyesü shikupu niye ke.

Apostolmi 28:25

Paul no atsa nhekha lakhi pive kethiu panongu dolo akükümsü küqha mlano ixawove: “Aghungu Kimthe no tungkupu Isaiah vecheo nongu puasü vilo ishi pikeu ye achipie:

Apostolmi 3:18

Ikemu Alhou no kiu Paw tungkupmi kümtsü vecheo azünatha Paw Khristo ye aghime shinani, ipi keno, Pa no ti shikupuve tsüe.

ZAKINIU 33:1

Kükümgha hipaqo ye Alhou timi Moses no thivenike zülono Israelmi shou pipuku tsüke.

IBRIMI 10:15

Aghungu Kimthe ghi ni lau thopi shitsüe; Pa no atüghüshi pi,

IBRIMI 3:7

Tighenguno Aghungu Kimthe no piake toi, “Ishi tsala lo nongu no Alhou sütsa chilu aye,

IBRIMI 9:8

Hipau vecheo Aghungu Kimthe no ningu piye akeu ye khalau bocho no ake thaqhülo Shishe Akimthe-a lo iloni keu pephemla aphie

JOSHUA 14:6

Tithiu Judah shiaye lono timi khami Gilgal lo Joshua lau ighi. Kenizimi Jephunneh nu Caleb no pa vilo pi, “Kadesh-barnea lo Ampeu no kiu nikujo ghenguno Alhou timi Moses vilo pi keno, nono ithi ani.

1 Peter 1:11

panongu lolo Khristo Ghungu akeu no Khristo ghime ghili eno tipau shelo ajuküvüpu chekeu pichho tsü kelo ti ye kiu toi kemi eno kiu ghuloki lo kichetsü akeno panongu no phujuke.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.