2 Peter 1:19 - Sumi Naga CL (Re-edited) Bible (BSI)

¹⁹ Itaghi ningu ye mtsüqhei keu tungkuptsa aphie, tsütho ipeche kelo inaqhe yepu no nongu lolo yepüvü tsümoke dolo hi ye aküzü-a lo aküvü akeshi anike nongu no amlo tsüqhiyilu aye alo nani.

BAIBEL (BSI)

¹⁹ Ikehu tungkupmino Alhou tsape shikeu tsalo ninguye alaushi mutotoi kitheluvae. Hipaulo nonguno amlo tsaqutsaleyi tsukeuno akivipu shilu nani kughengu Atsala vuipeghi puzu inaqhe yepuno nongu mlolo yepuvumoke kutolo hipauno akuzu alo akulu lakhino yepuvuakeu hutoike.

Sümi Tiqhelimi Bible

¹⁹ Ike ningu gholo qhoi pükhükulupu tungkupu kükütsü tsa ghí ani, eno àküzǘ-a lakhi lo aküvü lakhi no vüqai ake toi eno atsala vüipeghi no inaqhe yepu no nongu mlo lo yepüvü moke kutólo nongu ye hipau lo amlotsüqhiyi shi nani ke.

2 Peter 1:19 Iomraidhean Croise

LESHELE 119:105

O tsa ye I pukhu lo akulu eno I laghi lo aküvü lakhi ke.

AHOLE 6:23

Kughengu azakütsü ye akulu lakhi, shiküka ye aküvü, eno shikümzü niye sakiyi keu no aküxü laghi ke.

ISAIAH 14:12

“O inaqhe yepu, tsükutho nu, no ye kungugha lono kishi ikiqiva kelae! No khuu shiyeqo kütsaqhi chekeno, o pesü kishi ayeghi lo veqhive akela!

ISAIAH 41:26

Khuu no abothu lono hi sheshu, momu azüuno pi kea? Tishianguno ningu pelo, “Pa ye achipie” ipi peniye ke. Khunomu sheshumo, pikülhamo, nongu no pikeu chilu püamoe.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

ISAIAH 9:2

Khunono aküzü lo cheche keno aküvü kije ithuluvae; khunono aküzü kutho lo ache keno, aküvü no pano yepüvü luvae.

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

John 5:35

John ye iqü akeu eno vüqai akeu kulu eno nongu no pa küvü lo ado hami alovini ke puloe.

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

Apostolmi 15:29

nongu ye ajulho kümlla chuqupu, aji, tshükiqhi lhoxü chumoni, eno asalha lono putosüni. Nongu no hipaqo launo putosülu aye, nongu ye achipi shilu nani. Akivishi alo.”

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

IBRIMI 2:2

Kughengu kungumi vecheo sheshu keu tsape no pükhükulupu shive keke, eno küqüve keu momu hekibide kümtsü tipa qhemi aghimepu sholuve keke,

James 2:8

Nongu no akükau yezah khikhi Kuchoyesü lo, “No ye o likhi o toi o kisüghüu kimiye lo,” ipikeu shikupulu aye, nongu ye achipiu shi ani.

1 Peter 1:10

Xakulupu hipau vehu loye, tungkupmi khunono nonguw shiniye akeu küpükini ghili pichho püatsü keno panoqo ye phukide juno tsaqüi küpasü püani,

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.

3 John 1:6

panongu no ow kikimiye ghili pesü akukuhou lau ashepe shivae. Panongu kicheghüzü ghenguno nono akivishi aghili kuto puwutsü aye Alhou zülo ameküapu shinani.

Piyeküsü 2:28

Eno I no inaqhe yepu pesü pa tsü nani.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”