2 Peter 1:11 - Sumi Naga CL (Re-edited) Bible (BSI)

¹¹ Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

BAIBEL (BSI)

¹¹ Hitoi shikeu lono nongu pelo niMpeu eno ni Xakuluu Jisu Khristo wu alhokupuju yehkipelo ilokulupu kuka kumtsu pesu nongu tsu nanike.

Sümi Tiqhelimi Bible

¹¹ eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

2 Peter 1:11 Iomraidhean Croise

LESHELE 145:13

O kükaqha ye lhokta kükaqha, eno O yekipeqha ye tiqheli kümtsü lo acheni. Ampeu ye Pa tsa lo pükhükulupu ke, eno Pa kümla kümtsü lo kimiyekini ke.

LESHELE 36:8

O kilo kupukuno shi akeu lo panongu no aghulhu shi, eno Nono O lokiqipu ghoki lono shophe no panoqo piyeke.

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ISAIAH 35:2

asayeqha no amlokiqi shi ale phe eno axamunu kupu toi juvi nani. Tino Lebanon eno Carmel ngo Sharon nguno alau juvive nani. Timiqo no Ampeu juküvü eno ni Lhou kükanguagha ithulu nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

John 10:10

Küpkami ye püka, heqhi eno kütsani ke ghengu likhino ighi cheni. I no ighi keu ye panongu pelo aküxü apeniye eno ti kupukuno shi apeniye ke.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

1 Kor. 15:24

Eno kughou Pa no ayekipe, kükagha, eno aküka kümtsa kütsave kethiu kükaqha pesü Apu Alhou tsüveni keno, tileno ashekha tsala ighi nani.

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

IBRIMI 6:17

Ikehu kughou Alhou no Pa shoqhi kiyighimi lau kilive mlakeu lhoaye piyeni ke pulove keno, Pa no ashoqhi pesü ti mtsüqhei shitsüe,

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

2 Peter 1:5

Hi ghenguno, tolukivi thaqhü pükapütsa no nongu küpülü gholo xükipivi pesü veqabelo, eno xükipivi gholo akighithi pesü veqalo,

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 5:10

eno panoqo pesü kükaqha eno achinemi shi ghi ni Lhou lau tsüve kehu panoqo no ayeghi lo ayepe nanie.”