2 Peter 1:10 - Sumi Naga CL (Re-edited) Bible (BSI)

¹⁰ Tighenguno aküsamiqo, nongu kukulu eno kishekulu hu mtsüqhei lupe kepushi alau aghüthi küxü shilo, kughengu nongu no ameküapu hipaqo pepimhe aye nongu ye khilemu ikiqivemo nani.

BAIBEL (BSI)

¹⁰ Tighenguno athikuzumiqo, Alhou no nongu kulu eno kishekululo ithamono mutsuqheyi shilupe nike pukaputsa alaushi azukini shialo; titoi shi aye nonguye khilemu akupulu phevemo nanike.

Sümi Tiqhelimi Bible

¹⁰ Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,

2 Peter 1:10 Iomraidhean Croise

LESHELE 112:6

Kughengu amikuchomi ye khilemu ithavemo nani; pa ye alhokuthu kütami no kümsü che nani.

LESHELE 121:3

Pa ye o pukhu pelo ithave pemo nani; Khuu O hiju cheni keno Pa ye zühuve chemoe.

LESHELE 15:5

khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.

LESHELE 37:24

pa no küpxalu namu ikiqi veqhive monani, kughengu Ampeu u no sünheqhe luve cheni.

LESHELE 62:2

Pa likhi no I tuqu eno I xakuluu, I liwo; ni ye ithave monani.

LESHELE 62:6

Pa likhi no I tuqu eno I xakuluu, I liwo; ni ye ithave monani.

ISAIAH 56:2

Timi nu khuu no Sabbath ikhilu cheni eno ti shipütha chemo, alhoksa kiumu shimoni eno mtotoi ti pape cheni keno pa kümghapue.”

MICAH 7:8

I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

MATTHEW 22:14

Kughengu kutomo kue, ikemu aghulo likhi kishelue.”

Rommi 11:29

Kughengu Alhou no tsükeu gho ngo Pa no kuluve keu huye ikhichilelu mlae.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

IBRIMI 6:11

Eno nino kümsü pulo akeu ye nongu lakhikhi no ashekha kutolo mtsüqhei keu lajupu athoshi qhilu penishi ani,

IBRIMI 6:19

Ningu ye lajupu hipau angulhow thebei eno ithamo keu yiküba toi ani, lajupu hi no nhaqhiphi thiu alou chebo lo ilocheni,

James 2:10

Kughengu Ayezah kümtsü pelu anamu lakhi pemlave aye, tino kümtsü lo küqüvae.

JOSHUA 7:3

Eno panongu no Joshua lau ideighi no pi, “Timi kümtsü Ai lo iqhope kevilo, ikemu 2,000 momu 3,000 likhi puwu no leve pelo. Aghüshi penike ghüshimi kümtsü puwu kevilo kughengu panongu ye aghulo likhi ani.”

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

2 Peter 1:5

Hi ghenguno, tolukivi thaqhü pükapütsa no nongu küpülü gholo xükipivi pesü veqabelo, eno xükipivi gholo akighithi pesü veqalo,

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

2 Peter 3:17

Ikehu kimiye chekeqo, tishi mphi lono nongu ye hi ithi no kutokupui luvelo, tishianguno nongu ye ayezah heküxami kipimi gholono müsü sawuve no nongu kumto-a lono ikiqive pemo niye ke.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.